Author: Mingseung Chhoeun

AEON 1% Club Foundation បានរៀបចំកម្មវិធីប្រកួតប្រជែងនិយាយភាសាជប៉ុន AEON ជាលើកដំបូងក្នុងប្រទេសកម្ពុជា

ថ្ងៃចុះផ្សាយ

នៅថ្ងៃទី 5 ខែធ្នូ ឆ្នាំ 2024 មូលនិធិ AEON 1% Club Foundation បានប្រារព្ធព្រឹត្តិការណ៍ដ៏សំខាន់មួយ ដោយរៀបចំកម្មវិធីប្រកួតប្រជែងនិយាយភាសាជប៉ុន AEON លើកដំបូងបង្អស់ក្នុងប្រទេសកម្ពុជា ដែលបានធ្វើឡើងនៅផ្សារទំនើបអ៊ីអនម៉ល សែនសុខស៊ីធី។ ក្នុងនោះ និស្សិតដែលសិក្សាភាសាជប៉ុនចំនួនប្រាំនាក់ត្រូវបានជ្រើសរើសមកពីសាកលវិទ្យាល័យចំនួនពីរ គឺមួយមកពីនាយកដ្ឋានភាសាជប៉ុន ម្នាក់ទៀតមកពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)។

កម្មវិធីប្រកួតប្រជែងនិយាយភាសាជប៉ុននេះបានចាប់ផ្ដើមចាប់តាំងពីឆ្នាំ ២០១៥មក ដែលជាផ្នែកមួយនៃកម្មវិធីអាហារូបករណ៍ AEON។ កម្មវិធីនេះត្រូវបានប្រារព្ធឡើងនៅក្នុងប្រទេសចិនមុនគេ ហើយឥឡូវនេះបានពង្រីកទៅកាន់ប្រទេសអាស៊ីផ្សេងទៀតដូចជា ឥណ្ឌូនេស៊ី វៀតណាម ថៃ ម៉ាឡេស៊ី និងឥឡូវនេះកម្ពុជា ដើម្បីគាំទ្រនិស្សិតសាកលវិទ្យាល័យនៅអាស៊ី ដែលមានគោលបំណងជាអ្នកផ្សារភ្ជាប់ រវាងវប្បធម៍ប្រទេសជប៉ុន និងប្រទេសកំណើតរបស់ខ្លួន និងដើរតួយ៉ាងសកម្មនៅក្នុងពិភពលោកនាពេលអនាគត។

គោលដៅចម្បងនៃការប្រកួតនិយាយភាសាជប៉ុនគឺដើម្បីលើកកម្ពស់ការយល់ដឹងគ្នាទៅវិញទៅមក និងការអភិវឌ្ឍមិត្តភាពក្នុងចំណោមប្រជាជាតិនានា។ តាម​រយៈ​ការ​ប្រកួត​នេះ យើង​បាន​ជ្រើសរើស​អ្នក​ឈ្នះ​ចំនួន​ពីរ​នាក់​ក្នុង​ចំណោម​សិស្ស​ចំនួន​ប្រាំ​នាក់។ ម្ចាស់ជ័យលាភីលេខ១ និងលេខ២ នឹងមានឱកាសបន្តទៅចូលរួមការប្រកួតផ្សេងៗទៀតនៅប្រទេសជប៉ុនក្នុងខែកុម្ភៈឆ្នាំក្រោយ។

ពិធីប្រគល់អាហារូបករណ៍ AEON តាមរយៈមូលនិធិ AEON 1% Club Foundation

ថ្ងៃចុះផ្សាយ

នៅថ្ងៃទី 5 ខែធ្នូ ឆ្នាំ 2024 មូលនិធិ AEON 1% Club Foundation បានរៀបចំពិធីប្រគល់អាហារូបករណ៍ AEON ដល់សាកលវិទ្យាល័យចំនួន 2 រួមមានដូចជា សាកលវិទ្យាល័យភូមិន្ទភ្នំពេញ (RUPP) និងមួយទៀតមកពីសាកលវិទ្យាល័យជាតិគ្រប់គ្រង (NUM) នៅផ្សារទំនើប Aeon Mall Sen Sok City។ 

អាហារូបករណ៍នេះត្រូវចាប់ផ្ដើមមកតាំងពីឆ្នាំ 2013 ហើយបានផ្តល់អាហារូបករណ៍ដល់សិស្សចំនួន 221 នាក់នៅក្នុងប្រទេសកម្ពុជារហូតមកដល់បច្ចុប្បន្ន។

កម្មវិធីអាហារូបករណ៍ AEON គាំទ្រនិស្សិតសាកលវិទ្យាល័យនៅអាស៊ី ដែលមានគោលបំណងជាអ្នកផ្សារភ្ជាប់រវាងវប្បធម៍ប្រទេសជប៉ុននិងប្រទេសកំណើតរបស់ខ្លួននិងដើរតួយ៉ាងសកម្មនៅក្នុងពិភពលោកនាពេលអនាគត។

សារជូនពរអតិថិជន ពីលោកអគ្គនាយក ក្រុមហ៊ុន អ៉ីអន (ខេមបូឌា)

ថ្ងៃចុះផ្សាយ

សារជូនពររបស់អគ្គនាយក ក្រុមហ៊ុន អ៉ីអន (ខេមបូឌា)

ជម្រាបសួរ ខ្ញុំបាទ ស៊ិន ពិសី ជាអគ្គនាយក ក្រុមហ៊ុន អ៉ីអន (ខេមបូឌា)។

ក្នុងឱកាស​បុណ្យភ្ជុំបិណ្ឌខាងមុខនេះ ខ្ញុំបាទតំណាងក្រុមហ៊ុន អ៉ីអន (ខេមបូឌា)សូមអរគុណដល់អតិថិជន ដែលតែងតែគាំទ្រ ផ្សារទំនើបអ៉ីអនយើងខ្ញុំ ចាប់តាំងពីបើកដំណើរការ ឆ្នាំ២០១៤ រហូតមកដល់ពេលបច្ចុប្បន្ន អស់រយៈពេលជាង 10 ឆ្នាំកន្លងមកហើយ។

ដើម្បីឆ្លើយតបនឹងការគាំទ្រយ៉ាងខ្លាំងរបស់អតិថិជនកន្លងមក ផ្សារទំនើប អ៉ីអន​ នឹងនៅតែបន្តបេសកកម្មរបស់យើង ដើម្បីបំពេញតម្រូវការរបស់អតិថិជនលើគុណភាពទំនិញនិងសេវាកម្ម និង ដើម្បីចូលរួមចំណែកលើកកម្ពស់ជីវភាពរស់នៅប្រចាំថ្ងៃក្នុងតំបន់អោយកាន់តែប្រសើរតាមរយៈការរក្សាតម្លៃទំនិញ ស្របតាមស្ថានភាពសេដ្ឋកិច្ចបច្ចុប្បន្ន។

ហើយក្នុងឱកាសបុណ្យភ្ជុំបិណ្ឌនេះផងដែរ ខ្ញុំបាទសូមជូនពរដល់អតិថិជនទាំងអស់អោយជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។​

សូមអរគុណ

កាន់តែសន្សំសំចៃ! ផ្សារទំនើបអ៉ីអន កែប្រែតម្លៃលក់រាយថ្មីលើគ្រប់ផ្នែកនៃសាច់ជ្រូក ចាប់ពីខែកញ្ញានេះតទៅ

ថ្ងៃចុះផ្សាយ

ផ្សារទំនើបអ៉ីអន នឹងធ្វើការលក់សាច់ជ្រូក ក្នុងតម្លៃពិសេសថ្មី ហើយធានាថាជាសាច់ជ្រូកក្នុងស្រុកផ្ទាល់ ដែលមានដូចសាច់បីជាន់ ឆ្អឹងជំនី ជើងជ្រូក ចំឡកក្នុងក្រៅ​ និង គ្រឿងក្នុងជ្រូកជាច្រើនទៀត​ ១២ ខែកញ្ញា នេះទៅ។

នេះជាដំណឹងល្អមួយ ​​សម្រាប់អតិថិជិនគ្រប់រូប ជាពិសេសនោះគឺបងៗស្រ្តីមេផ្ទះ ដែលតែងតែចម្អិនអាហារឈ្ងុយឆ្ងាញ់ជារៀងរាល់ថ្ងៃសម្រាប់កូនៗជាទីស្រលាញ់ និង គ្រួសារដ៏កក់ក្តៅ។

តាមរយៈលោក Mori Akifumi ដែលជាអ្នកគ្រប់គ្រងខាងផ្នែកបញ្ជាទិញ នៅផ្សារទំនើប មានប្រសាសន៍ថា “ដើម្បីបំពេញតម្រូវការរបស់អតិថិជនផ្ទាល់ ដែលតែងតែបន្តគាំទ្រក្នុងការទិញទំនិញ បន្លែ​ ត្រី សាច់ និង​ គ្រឿងឧបភោគបរិភោគ គ្រប់ប្រភេទនៅក្នុងផ្សារទំនើបអ៉ីអនពិសេស​ជាងគេនោះគឺ សាច់ជ្រូក ដែលជាតម្រូវការប្រចាំថ្ងៃ។ ផ្សារទំនើបអ៉ីអន បានធ្វើការដាក់លក់សាច់ជ្រូកក្នុងតម្លៃមួយដែលពិសេស ហើយសមស្របទៅហ្នឹងតម្លៃទីផ្សារ និងធានាថាសាច់គ្រប់ប្រភេទដែលដាក់លក់ទាំងអស់ មានសុវតិ្ថភាពចំពោះអតិថិជនរបស់យើង។

ជាចុងក្រោយ ខ្ញុំបាទតំណាងផ្សារទំនើបអ៉ីអន សូមអរគុណអតិថិជន ដែលតែងតែគាំទ្រផ្សារទំនើបអ៊ីអន ហើយក្នុងឳកាសភ្ជុំបិណ្ឌខាងមុខនេះសូមជូនពរអោយអតិថិជនទាំងអស់ជួបតែពុទ្ធពរទាំងបួនប្រការគឺ អាយុ វណ្ណៈ សុខៈ និង ពលៈកុំបីឃ្លៀតឃ្លាឡើយ”។

គូសបញ្ជាក់ឲ្យដឹងផងដែរថា ការលក់សាច់ជ្រូក ក្នុងតម្លៃពិសេសថ្មីនេះ អតិថិជនអាចធ្វើការទិញបញ្ជាទិញ តាមរយៈ គេហទំព័រ និងកម្មវិធីទូរស័ព្ទដៃ អ៉ីអន អនឡាញ។

——

ក្រុមហ៊ុន អ៉ីអនខេមបូឌា ខូ អិលធីឌី បានបើកដំណើរការអាជីវកម្មរបស់ខ្លួនក្នុងប្រទេសកម្ពុជាតាំងពីខែកក្កដា ឆ្នាំ២០១៤ ក្នុងនាមជាក្រុមហ៊ុនលក់រាយធំជាងគេមួយក្នុងចំណោមក្រុមហ៊ុនលក់រាយជាច្រើនទៀត។ ស្ថិតនៅក្រោមបុត្រសម្ព័ន្ធរបស់ក្រុមហ៊ុន អ៉ីអន គ្រុប ដែលមានមូលដ្ឋាននៅប្រទេសជប៉ុន ក្រុមហ៊ុន អ៊ីអនខេមបូឌា ខូ អិលធីឌី ប្ដេជា្ញយក “អតិថិជនជាចម្បង” និងមានគោលការណ៍មូលដ្ឋានរបស់ខ្លួនដើម្បីសម្រេចបាននូវភាពសុខដុមរម្យនា ស្ថេរភាព និងសន្តិភាពក្នុងសង្គម តាមរយៈអាជីវកម្មរបស់ខ្លួន។

លោកអ្នកក៏អាចធ្វើការបញ្ជាទិញជាមួយ អុីអន អនឡាញ តាមរយៈគេហទំព័រ

 www.aeononlineshopping.com

ឬ ទាញយកកម្មវិធី AEON Online Mobile App

សម្រាប់ព័ត៌មានបន្ថែម:

Website: www.aeoncambodia.com

Facebook: AEON Retail Cambodia

Telegram: AEON Retail Cambodia

Instagram: aeon_retail_cambodia

YouTube: AEON Retail Cambodia

យុទ្ធនាការទឹកសុវត្ថិភាពរបស់អ៉ីអន យូនីសេហ្វ ២០២៤

ថ្ងៃចុះផ្សាយ

កាលពីថ្ងៃទី២២ ខែកក្កដា ឆ្នាំ ២០២៤ កន្លងទៅនេះ ផ្សារទំនើបអ៉ីអន បានប្រារព្ធយុទ្ធនាការទឹកសុវត្ថិភាពដោយមានការសហការរវាង អ៉ីអន ជាមួយអង្គការ យូនីសេហ្វ នៅផ្សារទំនើបអ៉ីអន សែនសុខ ស៉ីធី ក្រោមអធិបតេយ្យភាព ឯកឧត្តម Atsushi Ueno ឯកអគ្គរាជទូតជប៉ុនប្រចាំនៅកម្ពុជា រួមជាមួយភ្ញៀវកិត្តិយសជាច្រើនផ្សេងទៀតដូចជា៖

  • លោក ភា ស៉ីណាត ប្រធានការិយាល័យបច្ចេកទេសនៃអគ្គនាយកដ្ឋានកិច្ចការទូទៅទឹកស្អាតសម្រាប់បរិភោគនៃក្រសួង ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។
  • លោក លឹម មីន នាយកប្រតិបត្តិសមាគមផ្គត់ផ្គង់ទឹកនៅប្រទេសកម្ពុជា។
  • លោក វីល ផាក (Mr. Will Park) ប្រធានកិត្តិយស អង្គការ (UNICEF) ប្រចាំនៅប្រទេសកម្ពុជា។

ចាប់តាំងពីឆ្នាំ ២០១០ មក ពួកយើងបានអនុវត្តន៍យុទ្ធនាការ ទឹកស្អាត អ៉ីអន យូនីសេហ្វ ដែលពាក់ព័ន្ធនឹងការដំឡើងបរិក្ខារផ្គត់ផ្គង់ទឹក ដោយមានការសហការជាមួយអង្គការ UNICEF ក្នុងគោលបំណងផ្សព្វផ្សាយអំពីការជួយវិស័យអប់រំ និងសុខភាព ហើយបានបរិច្ចាគអំណោយដែលទទួលបានពីទូទាំងប្រទេសជប៉ុន និងការបរិច្ចាគពីមូលនិធិនេះតាមរយៈគណៈកម្មាធិការជប៉ុនយូនីសេហ្វ។

ក្នុងការប្រារព្ធយុទ្ធនាការខាងលើនេះលោក ម៉ូរី ជាប្រធានក្លឹប Aeon 1% បានថ្លែងថា៖

នៅក្នុងឆ្នាំនេះ យើងបានរៀបចំសកម្មភាពរៃអង្គាសប្រាក់នៅតាមហាង Aeon Group នៅទូទាំងប្រទេសជប៉ុន ហើយប្រាក់រៃអង្គាសដែលទទួលបានពីអតិថិជនមានចំនួនសរុបប្រហែល $150,000 (មួយសែន ប្រាំម៉ឺនដុល្លារ) ហើយ ក្លឹប Aeon 1% ក៏បានបរិច្ចាកចំនួនទឹកប្រាក់នេះជាមួយនឹងចំនួនដូចគ្នាផងដែរ។ លើសពីនេះទៅទៀត អង្គការយូនីសេហ្វជប៉ុនក៏បានបរិច្ចាក ទឹកប្រាក់សរុបប្រមាណស្មើគ្នានឹងចំនួនទឹកប្រាក់ ដែលបានរៃអង្គាសប្រាក់នៅតាមហាង Aeon Group នៅទូទាំងប្រទេសជប៉ុន និងក្លឹប Aeon 1% ដែលមានចំនួនទឹកប្រាក់សរុប $600,000 (ប្រាំមួយសែនដុល្លារ) ដើម្បីជួយដំឡើង និងពង្រីកបរិក្ខារផ្គត់ផ្គង់ទឹក បើគិតតាំងពីឆ្នាំ ២០១០មក ទឹកប្រាក់ដែលបានមកពីការរៃអង្គាសនេះសរុបគឺប្រហែល 3.5លានដុល្លារ។

ហើយសម្រាប់ប្រទេសកម្ពុជា Aeon Group បានអនុវត្តន៍គម្រោងសាងសង់សាលារៀនតាំងពីឆ្នាំ ២០០០ ដើម្បីផ្តល់កន្លែងសិក្សាដល់កុមារ ហើយបានសាងសង់សាលារៀនបានចំនួន ១៥១ ខ្នង ហើយបានផ្ដល់អាហារូបករណ៌ដល់និស្សិតសាកលវិទ្យាល័យកម្ពុជាចំនួន ២២១ នាក់ ដែលក្នុងនោះ សិស្សនិស្សិត មួយចំនួនបានចូលរួមក្នុងកម្មវិធី “អ្នកដឹកនាំយុវជនអាស៉ី ដែលជាកម្មវិធី ជំរុញដល់ការបណ្ដុះបណ្ដាលដល់អ្នកដឹកនាំវ័យក្មេងនៅអាស៉ីជាលក្ខណៈអន្តរជាតិ”។

…

គូសបញ្ជាក់ឲ្យដឹងផងដែរថា អ៉ីអន​ គ្រុប បានចាប់ផ្ដើមអាជីវកម្មផ្សារទំនើបអ៉ីអនម៉លភ្នំពេញក្នុងឆ្នាំ ២០១៤ ហើយផ្សារទំនើបចំនួន ៣ កំពុងបើកដំណើរការ។ អ៉ីអន​ គ្រុប បានបង្កើតអ៉ីអន ១% ក្លឹបឡើងក្នុងឆ្នាំ ១៩៩០ ដោយយកប្រាក់ចំណេញ ១% ដែលទទួលបានពីអតិថិជនដែលប្រើប្រាស់ អ៉ីអន គ្រុប ដើម្បីគាំទ្រលើសកម្មភាពវិភាគទានសង្គម ដោយផ្អែកលើសរស្តម្ភទាំង ៣រួមមាន៖ “ការចិញ្ចឹមបីបាច់ថែរក្សាសុខភាពកុមារ” “ការកសាងមិត្តភាពជាមួយប្រទេសផ្សេងៗ” និង “ការរួមចំណែកក្នុងការអភិវឌ្ឍន៍មូលដ្ឋាន” ។

Aeon 1% Club នឹងបន្តធ្វើការឆ្ពោះទៅអនាគតដែលពោរពេញដោយស្នាមញញឹមសម្រាប់ក្មេងៗជំនាន់ក្រោយ។

យុទ្ធនាការទឹកសុវត្ថិភាព អ៊ីអនយូនីសេហ្វ

ថ្ងៃចុះផ្សាយ

សហគ្រិនខ្មែរ សហការជាមួយផ្សារទំនើបអុីអន ផ្សព្វផ្សាយផលិតផលក្នុងស្រុក

ថ្ងៃចុះផ្សាយ

ពិព័រណ៍ផលិតផលក្នុងស្រុកបានត្រលប់មកវិញហើយ!


សហគ្រិនខ្មែរ​(Khmer Enterprise)និងផ្សារទំនើបអ៊ីអនមានមោទនភាពប្រកាសពីពិព័រណ៍ផលិតផលក្នុងស្រុក ដែលនឹងដំណើរការចាប់ពីថ្ងៃទី២០ ខែឧសភា ដល់ថ្ងៃទី៦ ខែមិថុនា ឆ្នាំ២០២៤ នៅតាមបណ្តាផ្សារទំនើបអ៊ីអនរាជធានីភ្នំពេញ​ ផ្សារទំនើបបអ៊ីអនសែនសុខនិង ផ្សារទំនើបអ៊ីអន​មានជ័យ។ ការតាំងពិព័រណ៍ រយៈពេល៣សប្តាហ៍នេះមានគោលបំណង លើក កម្ពស់ ផលិតផលក្នុងស្រុក លើកកម្ពស់ជីវភាពរបស់ប្រជាកសិករក្នុងស្រុក និង បើកឱកាសទីផ្សារថ្មី ទាំងក្នុងស្រុក និង អន្តរជាតិ សម្រាប់ផលិតផលក្នុងស្រុក ។ 

នេះជាលើកទី៧ហើយ ដែលសហគ្រិនខ្មែរនិងផ្សារទំនើបអ៊ីអនបានចាប់ដៃគូក្នុងការលើកកម្ពស់ផលិតផលនិង​សហគ្រាសធុនតូចនិងមធ្យមក្នុងស្រុកដែលស្របទៅនឹងគោលនយោបាយរបស់រាជរដ្ឋាភិបាលកម្ពុជាក្នុងការជំរុញផលិតផលក្នុងស្រុកអោយកាន់តែ មានទីផ្សារ។ពាក្យស្លោករបស់ពិព័រណ៏ គឺ​​ “គាំទ្រផលិតផលខ្មែរ ថែសេដ្ឋកិច្ចជាតិ”។

ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួកបន្ទុកជានាយកប្រតិបត្តិនៃ សហគ្រិនខ្មែរ បានមានប្រសាសន៍ថា ៖​“សហគ្រិនខ្មែរមានសេចក្តីសោមនស្សរីករាយ ពីការកើនឡើងដ៏គួរឱ្យកត់សម្គាល់នៃការគាំទ្ររបស់អតិថិជនចំពោះផលិតផលក្នុងស្រុក។ភាពជាដៃគូជាមួយ AEON សម្រាប់ពិព័រណ៍ ផលិតផលក្នុងស្រុកនេះនឹងពង្រីកការលក់និង គាំទ្រដល់សហគ្រាសធុនតូចនិងមធ្យម ដែលស្របតាមបេសកកម្មរបស់សហគ្រិនខ្មែរក្នុងការផ្សព្វផ្សាយ

ផលិតផលក្នុងស្រុកនៅក្នុងផ្សារទំនើបនិងទីផ្សារផ្សេងៗទៀត។សហគ្រិនខ្មែរនឹងបន្តបេសកកម្មក្នុងការលើកកម្ពស់លទ្ធភាពទទួលបានទីផ្សារសម្រាប់សហគ្រាសធុនតូចនិងមធ្យមតាមរយៈដៃគូក្នុងតំបន់និងបណ្តាញអន្តរជាតិ”។

តាមរយៈ លោក ស៊ិន ពិសី អគ្គនាយក ក្រុមហ៊ុន អ៊ីអន (ខេមបូឌា) មានប្រសាសន៌ថា៖

“ផ្សារទំនើបអ៊ីអននៅតែបន្តចូលរួមយ៉ាងសកម្ម និងគាំទ្រយ៉ាងពេញទំហឹងក្នុងន័យជម្រុញការផ្សព្វផ្សាយ ពង្រីកទីផ្សារបន្ថែមសម្រាប់ផលិតផលខ្មែរ និងគាំទ្រដល់កសិករខ្មែរ។ យើងយកចិត្តទុកដាក់ខ្ពស់ទៅលើសុវត្ថិភាពចំនីអាហារ គុណភាព សេវាកម្ម និងផ្ដល់ជូននូវតម្លៃសមរម្យជូនដល់អតិថិជន។ ដូច្នេះកុំភ្លេចចូលរួមគាំទ្រទាំងអស់គ្នា នៅផ្សារទំនើបអ៊ីអនទាំង៣សាខាដើម្បីលើកជួយលើកស្ទួយនិងពង្រីកទីផ្សារផលិតផលខ្មែរគ្រប់ប្រភេទឱ្យកាន់តែធំទូលាយ។”

សូមកុំភ្លេចចូលរួមគាំទ្រ ផលិតផលក្នុងស្រុកជាច្រើនដែលបំពេញតាមស្តង់ដារ គុណភាព និង សុវត្ថិភាព មានដូចជាគ្រឿងទេស របស់ប្រើប្រាស់ប្រចាំថ្ងៃ  បន្លែស្រស់ ទឹកដោះគោ អង្ករ និងវត្ថុអនុស្សាវរីយ៏ជាច្រើនទៀត។លើសពីនេះអ្នកនឺងទទួលបានការបញ្ចុះតម្លៃលើគ្រប់ផលិតល​ និងមានឱកាសឈ្នះរង្វាន់រាល់ការជាវចាប់ពី$15ឡើងទៅ។​ ការផ្តល់ជូនពិសេសទាំងនេះសម្រាប់
តែអតិថិជនដែលគាំទ្រផលិតផលក្នុងស្រុក ក្នុងអំឡុងពេលការតាំងពិព័រណ៍នេះតែប៉ុណ្ណោះ ។

អំពីផ្សារទំនើបអ៉ីអន 

ផ្សារទំនើបអ៉ីអន (ផ្សារទំនើបលក់ទំនិញទូទៅ) ជាហាងលក់ទំនិញទូទៅឈានមុខគេនៅកម្ពុជាដែលមានលក់ទំនិញ និងសម្ភារៈប្រើប្រាស់ចាំបាច់គ្រប់ប្រភេទរួមមាន ទំនិញបរិភោគ សម្លៀកបំពាក់ សម្ភារៈប្រើប្រាស់ក្នុងផ្ទះ គ្រឿងអេទ្បិចត្រូនិចគ្រប់ប្រភេទជាមួយតម្លៃសមរម្យ សេវាកម្មរួសរាយរាក់ទាក់។ ផ្សារទំនើបអ៉ីអនក៏មាននូវទំនិញ និងហាងឯកទេសដែលជាយីហោផ្ដាច់មុខរបស់ខ្លួនផងដែរដូចជា ហាងឯកទេសសម្ភារៈប្រើប្រាស់ក្នុងផ្ទះ ហូមខរឌី ហាងសម្លៀកបំពាក់ក្នុង និងកីទ្បា បុរស នារី ម៉ាក អាយស៊ី ហាងសម្ភារៈប្រើប្រាស់សម្រាប់ម្ដាយ កុមារ និងទារក ឃីដស៍ រីផាប់ប្លិក ឱសថស្ថានអ៉ីអន វែលណេស ហាងនំបុ័ងអ៉ីអន ហាងកង់អ៉ីអន ផលិផផលម៉ាកថប់វែលយូ ជាដើម។

បញ្ជាទិញទំនិញជាច្រើនទៀតតាមរយៈអ៉ីអន អនទ្បាញ ៖ www.aeononlineshopping.com

សម្រាប់ព័ត៌មានបន្ថែម៖


Facebook: AEON Retail Cambodia


Telegram: AEON Retail Cambodia


Instagram: aeon_retail_cambodia


YouTube: AEON Cambodia

អំពីសហគ្រិនខ្មែរ

សហគ្រិនខ្មែរ (KE) ត្រូវបានបង្កើតឡើង ជាស្ថាប័នប្រតិបត្តិករមួយ របស់មូលនិធិអភិវឌ្ឍន៍សហគ្រិនភាព (ម.អ.ស.) ដើម្បីអនុវត្តកម្មវិធីគាំទ្រ និងធ្វើការដោយផ្ទាល់ជាមួយស្ថាប័នដៃគូ និងអត្ថគាហកៈ។ គោលបំណងបស់សហគ្រិនខ្មែរ គឺដើម្បីកៀរគរ, វិនិយោគ និងគ្រប់គ្រងបរធនពីប្រភពស្របច្បាប់ទាំងអស់ ដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ីសហគ្រិនភាពដែលមានភាពរស់រវើក និងផ្តល់ការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុដល់អ្នកកសាងប្រព័ន្ធអេកូឡូស៊ីសហគ្រិនភាព។ អ្នកទាំងនោះរួមមាន សហគ្រិន ធុរកិច្ចបង្កើតថ្មីដែលមានលក្ខណៈនវានុវត្តន៏ (innovative startups), សហគ្រាសធុនតូចនិងមធ្យមដែលមានសក្តានុពល (potential SMEs) និងស្ថាប័នដៃគូ ដែលចូលរួមជំរុញសកម្មភាពសហគ្រិនភាពផ្សេងៗ សំដៅជំរុញនវានុវត្តន៏ (innovation) និងការបង្កើតតម្លៃបន្ថែមនៅក្នុងសេដ្ឋកិច្ចកម្ពុជា។


សម្រាប់ព័ត៌មានបន្ថែម៖

Website:   https://khmerenterprise.info/home
Facebook: https://www.facebook.com/ke.khmerenterprise/
LinkedIn:  https://www.linkedin.com/company/khmer-enterprise/

គាំទ្រផលិតផលខ្មែរ ថែសេដ្ឋកិច្ចជាតិ

ថ្ងៃចុះផ្សាយ

ពិព័រណ៍ផលិតផលខ្មែរ ត្រលប់មកវិញហើយ!

ដោយមានការសហការពីសហគ្រិនខ្មែរ (Khmer Enterprise) និងផ្សារទំនើបអ៊ីអន (AEON “General Merchandise Store”) បានរៀបចំការតាំងពិព័រណ៌ផលិតផលខ្មែរដែលប្រព្រឹត្តិធ្វើទ្បើងចាប់ពីថ្ងៃទី ២០ ឧសភា ដល់ថ្ងៃទី ៦ មិថុនា ឆ្នាំ ២០២៤ នៅផ្សារទំនើបអ៊ីអន ទាំង៣សាខា រួមមានផ្សារទំនើបអ៊ីអនភ្នំពេញ ផ្សារទំនើបអ៊ីអន សែនសុខ និងផ្សារទំនើបអ៊ីអន មានជ័យ។ 

គួរបញ្ចាក់ផងដែរថាការតាំងពិព័រណ៍ផលិតផលខ្មែរនេះរយៈពេលបីសប្តាហ៍ ក្នុងគោលបំណងលើកកំពស់ផលិតផលក្នុងស្រុក លើកស្ទួយជីវភាពកសិករក្នុងស្រុក និងបើកទីផ្សារថ្មីសម្រាប់ផលិតផលក្នុងស្រុកទាំងក្នុងស្រុក និងក្រៅស្រុក។

នេះជាលើកទី៧ហើយ ដែលសហគ្រិនខ្មែរ និងផ្សារទំនើបអ៊ីអន បានសហការគ្នាក្នុងការផ្សព្វផ្សាយផលិតផលក្នុងស្រុក រួមមានសហគ្រាសធុនតូច និងមធ្យមក្នុងស្រុក ដែលស្របតាមគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់ផលិតផលក្នុងស្រុកនៅលើទីផ្សារក្នុងស្រុក។ ក្រោមពាក្យស្លោក “គាំទ្រផលិតខ្មែរ ថែសេដ្ឋកិច្ចជាតិ”។

តាមរយៈពិព័រណ៌នេះ ផ្សារទំនើបអ៊ីអនបាននាំយកផលិតផលក្នុងស្រុកដែលដាំដុះ និងផលិតតាមស្តង់ដាសុវត្ថិភាព ដោយកសិករមកពីបណ្តាខេត្តមួយចំនួនដូចជា៖ កណ្ដាល កំពត ព្រះវិហារ កំពង់ចាម មណ្ឌលគីរី រតនៈគីរី នឹងបណ្ដាខេត្តផ្សេងៗទៀត ដែលរួមមានផលិតផលជាច្រើនដូចជា៖ សម្ភារ:ប្រើប្រាស់ បន្លែ និងផ្លែឈើខ្មែរ ដ៏សម្បូរបែបជាច្រើន។

ក្រៅពីការតាំងពិពរ័ណផលិតផលខ្មែរដ៏ច្រើនសម្បូរបែប អតិថិជនក៏អាចរីករាយជាមួយការបញ្ចុះតម្លៃលើទំនិញជាច្រើនប្រភេទ និងឱកាសចាប់ស្មុក ដើម្បីឈ្នះរង្វាន់ជាច្រើនដោយគ្រាន់តែចំនាយចាប់ពី១៥ ដុល្លារទ្បើងទៅក្នុង១វិក័យបត្រ។

ឱកាសចាប់ស្មុកដើម្បីឈ្នះរង្វាន់

សុពលភាពនៃការផ្តល់ជូនពិសេស ចាប់ពីថ្ងៃទី ២០ ឧសភា ដល់ថ្ងៃទី ៦ មិថុនា ឆ្នាំ ២០២៤

ខ និងលក្ខខណ្ឌផ្សេងៗ

  • រាល់ការទិញចាប់ពី ១៥ ដុល្លារក្នុង ១វិក្កយបត្រនិងមានឱកាសបង្វិល 1 ដង
  • អតិថិជន ១ នាក់ បង្វិល ១ ដងក្នុងមួយថ្ងៃតែប៉ុណ្ណោះ
  • វិក្កយបត្រមិនអាចបញ្ចូលគ្នាបានទេ
  • សម្រាប់វិក្កយបត្រដែលទិញនៅក្នុងថ្ងៃដដែលតែប៉ុណ្ណោះ
  • សម្រាប់ផ្សារទំនើប អ៊ីអនទាំង ៣ សាខា (អ៊ីអន ភ្នំពេញ អ៊ីអន, សែនសុខ ស៊ីធី និង អ៊ីអន មានជ័យ)

តាមរយៈ លោក ស៊ិន ពិសី អគ្គនាយក ក្រុមហ៊ុន អ៊ីអន (ខេមបូឌា) មានប្រសាសន៌ថា៖

ផ្សារទំនើបអ៊ីអននៅតែបន្តចូលរួមយ៉ាងសកម្ម និងគាំទ្រយ៉ាងពេញទំហឹងក្នុងន័យជម្រុញការផ្សព្វផ្សាយ ពង្រីកទីផ្សារបន្ថែមសម្រាប់ផលិតផលខ្មែរ និងគាំទ្រដល់កសិករខ្មែរ។ យើងយកចិត្តទុកដាក់ខ្ពស់ទៅលើសុវត្ថិភាពចំនីអាហារ គុណភាព សេវាកម្ម និងផ្ដល់ជូននូវតម្លៃសមរម្យជូនដល់អតិថិជន។ 

ដូច្នេះកុំភ្លេចចូលរួមគាំទ្រទាំងអស់គ្នា នៅផ្សារទំនើបអ៊ីអនទាំង ៣ សាខា ដើម្បីលើកជួយលើកស្ទួយនិងពង្រីកទីផ្សារផលិតផលខ្មែរគ្រប់ប្រភេទឱ្យកាន់តែធំទូលាយ។

អំពីផ្សារទំនើបអ៉ីអន 

ផ្សារទំនើបអ៉ីអន (ផ្សារទំនើបលក់ទំនិញទូទៅ) ជាហាងលក់ទំនិញទូទៅឈានមុខគេនៅកម្ពុជាដែលមានលក់ទំនិញ និងសម្ភារៈប្រើប្រាស់ចាំបាច់គ្រប់ប្រភេទរួមមាន ទំនិញបរិភោគ សម្លៀកបំពាក់ សម្ភារៈប្រើប្រាស់ក្នុងផ្ទះ គ្រឿងអេទ្បិចត្រូនិចគ្រប់ប្រភេទជាមួយតម្លៃសមរម្យ សេវាកម្មរួសរាយរាក់ទាក់។ ផ្សារទំនើបអ៉ីអនក៏មាននូវទំនិញ និងហាងឯកទេសដែលជាយីហោផ្ដាច់មុខរបស់ខ្លួនផងដែរដូចជា ហាងឯកទេសសម្ភារៈប្រើប្រាស់ក្នុងផ្ទះ ហូមខរឌី ហាងសម្លៀកបំពាក់ក្នុង និងកីទ្បា បុរស នារី ម៉ាក អាយស៊ី ហាងសម្ភារៈប្រើប្រាស់សម្រាប់ម្ដាយ កុមារ និងទារក ឃីដស៍ រីផាប់ប្លិក ឱសថស្ថានអ៉ីអន វែលណេស ហាងនំបុ័ងអ៉ីអន ហាងកង់អ៉ីអន ផលិផផលម៉ាកថប់វែលយូ ជាដើម។

បញ្ជាទិញទំនិញជាច្រើនទៀតតាមរយៈអ៉ីអន អនទ្បាញ ៖ www.aeononlineshopping.com

សម្រាប់ព័ត៌មានបន្ថែម៖


Facebook: AEON Retail Cambodia


Telegram: AEON Retail Cambodia


Instagram: aeon_retail_cambodia


YouTube: AEON Cambodia

អំពីសហគ្រិនខ្មែរ

សហគ្រិនខ្មែរ (KE) ត្រូវបានបង្កើតឡើង ជាស្ថាប័នប្រតិបត្តិករមួយ របស់មូលនិធិអភិវឌ្ឍន៍សហគ្រិនភាព (ម.អ.ស.) ដើម្បីអនុវត្តកម្មវិធីគាំទ្រ និងធ្វើការដោយផ្ទាល់ជាមួយស្ថាប័នដៃគូ និងអត្ថគាហកៈ។ គោលបំណងបស់សហគ្រិនខ្មែរ គឺដើម្បីកៀរគរ, វិនិយោគ និងគ្រប់គ្រងបរធនពីប្រភពស្របច្បាប់ទាំងអស់ ដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ីសហគ្រិនភាពដែលមានភាពរស់រវើក និងផ្តល់ការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុដល់អ្នកកសាងប្រព័ន្ធអេកូឡូស៊ីសហគ្រិនភាព។ អ្នកទាំងនោះរួមមាន សហគ្រិន ធុរកិច្ចបង្កើតថ្មីដែលមានលក្ខណៈនវានុវត្តន៏ (innovative startups), សហគ្រាសធុនតូចនិងមធ្យមដែលមានសក្តានុពល (potential SMEs) និងស្ថាប័នដៃគូ ដែលចូលរួមជំរុញសកម្មភាពសហគ្រិនភាពផ្សេងៗ សំដៅជំរុញនវានុវត្តន៏ (innovation) និងការបង្កើតតម្លៃបន្ថែមនៅក្នុងសេដ្ឋកិច្ចកម្ពុជា។

Website:   https://khmerenterprise.info/home
Facebook: https://www.facebook.com/ke.khmerenterprise/
LinkedIn:  https://www.linkedin.com/company/khmer-enterprise/

អបអរសាទរខួបទី ៥០ឆ្នាំ របស់ផលិតផលយីហោផ្ដាច់មុខរបស់អ៊ីអន ថប់វែលយូ!

ថ្ងៃចុះផ្សាយ

ជាមួយនឹងការគាំទ្រយ៉ាងខ្លាំងពីអតិថិជនជាច្រើន ម៉ាកយីហោផ្ដាច់មុខរបស់អ៊ីអន ថប់វែលយូ (TOPVALU) បានដាក់ដំណើរការនៅក្នុងទីផ្សារក្នុងស្រុក និងទូទាំងពិភពលោកអស់រយៈពេល ៥០ ឆ្នាំ។

ថប់វែលយូ (TOPVALU) គឺជាម៉ាកយីហោផ្ដាច់មុខដែលបង្កើតឡើងដោយក្រុមហ៊ុន អ៊ីអន ដែលបានចាប់ផ្តើមដំបូងនៅឆ្នាំ ១៩៧៤ និងប្តូរឈ្មោះជា ថប់វែលយូ (TOPVALU) ក្នុងឆ្នាំ ២០០០។

ជាមួយនឹងភាពជោគជ័យនៅក្នុងប្រទេសជប៉ុន ម៉ាកយីហោផ្ដាច់មុខរបស់អ៊ីអន ថប់វែលយូ (TOPVALU) ត្រូវបានពង្រីកទៅកាន់ទីផ្សារពិភពលោក និងបាននាំចូលមកទីផ្សារប្រទេសកម្ពុជាអស់រយៈពេលជិតមួយទសវត្សរ៍ចាប់តាំងពីឆ្នាំ ២០១៤។

ផលិតផលម៉ាកថប់វែលយូ (TOPVALU) ផ្តោតសំខាន់លើស្ដង់ដាគុណភាព, សុវត្ថិភាព និងតម្លៃសមរម្យនៃផលិតផល ដែលមានផលិតផលជាច្រើនប្រភេទ ចាប់ពីអាហារស្ងួត និងស្រស់ ទំនិញប្រើប្រាស់ក្នុងផ្ទះ គ្រឿងសំអាង គ្រឿងថែរក្សាសម្រស់ ជាដើម ជាមួយនឹងស្តង់ដារ និងប្រព័ន្ធត្រួតពិនិត្យយ៉ាងតឹងរឹងរបស់ប្រទេសជប៉ុន ដើម្បីបំពេញតម្រូវការរបស់អតិថិជនឲ្យសមស្របទៅតាមការរស់នៅប្រចាំថ្ងៃជាមួយភាព សាមញ្ញនឹងល្អឥតខ្ចោះ។

អស់រយៈពេលជាង 50 ឆ្នាំមកនេះ ក្រុមហ៊ុនអ៊ីអនបានសាងសមិទ្ធិផលជាច្រើននៃម៉ាកយីហោផ្ដាច់មុខរបស់ខ្លួន ថប់វែលយូ (TOPVALU)ដោយមានការអភិវឌ្ឍផលិតផលថ្មីៗជាច្រើន ជាមួយនឹងការសហការគ្នារវាងក្រុមហ៊ុននឹងអតិថិជនតាមរយៈ ការផ្ដល់មតិយោបលរផ្ទាល់របស់អតិថិជន និងស្តង់ដារគុណភាពដ៏តឹងរឹងជាមួយនឹងទស្សនវិជ្ជា “ដើម្បីធ្វើឱ្យជីវិតប្រចាំថ្ងៃរបស់អតិថិជនកាន់តែប្រសើរ ” ។

ដូច្នេះហើយ ថប់វែលយូ (TOPVALU) បានក្លាយជាយីហោផ្ដាច់មុខ ឈានមុខគេក្នុងប្រទេសជប៉ុនយ៉ាងឆាប់រហ័សទាំងការលក់ និង ទំនុកចិត្តជូនទៅកាន់អតិថិជន។

នៅឆ្នាំ ២០២៤ នេះផងដែរ  ម៉ាកយីហោផ្ដាច់មុខរបស់អ៊ីអន ថប់វែលយូ (TOPVALU) បានប្រារព្ធខួបលើកទី ៥០ របស់ខ្លួន ដែលក្នុងនោះផងដែរ ក្រុមហ៊ុនអ៊ីអន ខាមប៊ូឌា ខូអិលធីឌី (AEON (CAMBODIA) CO.,LTD) ក៏បានរៀបចំប្រារព្ធពិធីនេះផងដែរចាប់ពីថ្ងៃទី ១៧ ដល់ ថ្ងៃទី ២៨ ខែមេសា ឆ្នាំ ២០២៤។

ក្នុងឱកាសគម្រប់ខួបនេះ ក្រុមហ៊ុនអ៊ីអន ខាមប៊ូឌា ខូអិលធីឌី (AEON (CAMBODIA) CO.,LTD) នឹងមានការរៀបចំពិព័រណ៌ផលិតផល ថប់វែលយូ (TOPVALU) ជាមួយនឹងការផ្ដល់ជូនពិសេសជាច្រើនទៀតផងដែរ ដែលក្នុងនោះមានដូចជា អាហារ សម្ភារៈប្រើប្រាស់ សំលៀកបំពាក់ គ្រឿងសំអាង -ល-។

បន្ថែមពីលើសពីការរៀបចំពិព័រណ៌ផលិតផល ថប់វែលយូ (TOPVALU) រួមជាមួយការបញ្ចុះតម្លៃនេះ អតិថិជនក៏រីករាយជាមួយនឹងប្រូម៉ូសិនផ្សេងទៀតដូចជា៖

…

ក្រុមហ៊ុន ក្រុមហ៊ុនអ៊ីអន ខាមប៊ូឌា ខូអិលធីឌី (AEON (CAMBODIA) CO.,LTD) គឺជាក្រុមហ៊ុនលក់ទំនិញរាយធំជាងគេមួយដែលបាននាំចូលផលិតផលម៉ាក ថប់វែលយូ (TOPVALU) មកកាន់ទីផ្សារប្រទេសកម្ពុជាក្នុងឆ្នាំ ២០១៤ ក្រោមក្រុមហ៊ុនបុត្រសម្ព័ន្ធរបស់ អ៊ីអន គ្រុប(AEON Group) ដែលមានមូលដ្ឋាននៅប្រទេសជប៉ុន។

ក្រុមហ៊ុនអ៊ីអន ខាមប៊ូឌា ខូអិលធីឌី (AEON (CAMBODIA) CO.,LTD) បានរក្សាបាននូវការប្ដេជ្ញាដោយមិនផ្លាស់ប្ដូរដែលផ្ដោតលើ “អតិថិជនជាធំ” ដែលជាគោលការណ៍គ្រឹះរបស់ អ៉ីអនគ្រុប គឺកសាងសង្គមមួយឆ្ពោះទៅរកភាពរីកចម្រើន ស្ថិរភាព និងសន្តិភាពតាមរយៈអាជីវកម្មរបស់ខ្លួន។

ក្រុមហ៊ុនអ៊ីអន ខាមប៊ូឌា ខូអិលធីឌី (AEON (CAMBODIA) CO.,LTD) ទទួលបានទំនុកចិត្តពីអតិថិជនយ៉ាងច្រើន និងបានពង្រីកអាជីវកម្មរបស់ខ្លួននៅក្នុងអាជីវកម្មជាច្រើនដូចជា ហាងលក់ទំនិញទូទៅ ផ្សារទំនើប ហាងតូចៗ (AEON MaxValu) និងអាជីវកម្មអនឡាញ (AEON Online) AEON Specialty Store បន្ថែមពីនោះ អ៊ីអនក៍បាននាំចូលនូវទំនិញដែលជាយីហោផ្តាច់មុខរបស់ខ្លួនជាច្រើនប្រភេទផ្សេងទៀត មកកាន់ទីផ្សារកម្ពុជា ដែលមានដូចជា ថប់វែលយូ, អាយស៊ី, ហូមខរឌី, ឃីដស៍ រីផាប់ប្លិក, ឳសថស្ថានអ៊ីអន វែលណេស ហាងកង់អ៊ីអន ហាងនំបុ័ងអ៊ីអនជាដើម ដើម្បីបំពេញរាល់តម្រូវការរបស់អតិថិជន ដែលផ្តល់ជូនទំនិញជាង 10,000 មុខ រាប់ចាប់ពីអាហារ សម្ភារៈប្រើប្រាស់ប្រចាំថ្ងៃ សម្លៀកបំពាក់ របស់របរប្រើប្រាស់ក្នុងផ្ទះ (រួមទាំងបន្ទប់គេង និងបន្ទប់ទឹក) ឧបករណ៍កីឡា ថ្នាំពេទ្យ និងគ្រឿងសំអាង។

ផ្សារទំនើប អ៊ីអន បានធ្វើពិធីប្រគល់អំណោយជាទឹកប្រាក់ជាង ៨ពាន់ដុល្លារ ទៅអង្គការសមាគមន៍ក្នុងស្រុក ដែលបានមកពីយុទ្ធនាការវិក្កយបត្រពណ៌លឿងរបស់ខ្លួនក្នុងឆ្នាំ២០២៣

ថ្ងៃចុះផ្សាយ

ផ្សារទំនើប អ៊ីអន បានធ្វើពិធីប្រគល់អំណោយជាទឹកប្រាក់ជាង ៨ពាន់ដុល្លារ ទៅអង្គការសមាគមន៍ក្នុងស្រុក ដែលបានមកពីយុទ្ធនាការវិក្កយបត្រពណ៌លឿងរបស់ខ្លួនក្នុងឆ្នាំ២០២៣ ដោយឡែកសម្រាប់ចំនួនទឹកប្រាក់សរុបដែលបានប្រគល់តាំងពីឆ្នាំ២០១៦ រហូតមកដល់ឆ្នាំ២០២៣នេះគិតជាអំណោយដែលបានផ្តល់ស្មើរនឹងទឹកប្រាក់ចំនួន៤៣,៩៨០ដុល្លារ។

យុទ្ធនាការវិក្កយបត្រពណ៌លឿងនេះ មានគោលបំណងបង្កើនការចូលរួមរបស់អតិថិជនក្នុងកិច្ចការសប្បុរសធ៌ម និងបណ្ដុះនូវវប្បធ៌មនៃការចែករំលែកនៅក្នុងសង្គម។ 

គួររំលឹកផងដែរថា យុទ្ធនាការវិក្កយបត្រពណ៌លឿង របស់ផ្សារទំនើប AEON ត្រូវបានធ្វើទ្បើងជារៀងរាល់ថ្ងៃទី១១ នៃខែនីមួយៗ។ 

អតិថិជនដែលអញ្ជើញមកជាវទំនិញនៅក្នុងផ្សារទំនើប AEON នៅថ្ងៃទី១១ នឹងទទួលបានវិក្កយបត្រពណ៌លឿង បន្ទាប់មកអតិថិជនអាចយកវិក្កយបត្រនោះទៅដាក់ក្នុងប្រអប់ យុទ្ធនាការវិក្កយបត្រពណ៌លឿងដែលមានឈ្មោះអង្គការដែលខ្លួនពេញចិត្ត នៅជិតបញ្ជរសេវាអតិថិជន។

ផ្សារទំនើប AEON នឹងឧបត្ថម្ភ ១% នៃទឹកប្រាក់សរុបដែលអតិថិជនបានជាវ ឲ្យទៅអង្គការ សមាគមន៍នៅក្នុងស្រុកទៅតាមចំនួនវិក្កយបត្រជាក់ស្ដែង។

លោក ស៊ីន ពិសី អគ្គនាយកគ្រប់គ្រងក្រុមហ៊ុនអ៉ីអន ខេមបូឌា

កម្មវិធីនេះធ្វើទ្បើងកាលពីថ្ងៃទី១១ ខែមករា ឆ្នាំ២០២៤ កន្លងទៅថ្មីៗនេះ ដោយមានការចូលរួមពីអង្គការសមាគមន៍ទាំង ២០ រួមមាន៖

  1. អង្គការ ក្ដីសង្ឃឹមនៃកុមារ (Hope of Children)
  2. មជ្ឈមណ្ឌលព្យាបាលកុមារ បេះដូងជប៉ុន (Japan Heart)
  3. អង្គការស្នាមញញឹមកម្ពុជា (Smile Cambodia)
  4. សមាគមន៏អភិវឌ្ឍន៏គ្រួសារពលី និង​កុមារកំព្រា (Sacrifice Families and Orphans Development Association) 
  5. អង្គការ មិត្តសំឡាញ់ (Mith Samlanh)
  6. មូលនិធិគាំទ្រការអប់រំអន្ដរជាតិកម្ពុជា (Cambodia International Education Support Foundation)
  7. អង្គការ មូលនិធិកុមារ និងនិស្សិតកម្ពុជា (Cambodian students and Childern Fund)
  8. អង្គការ មូលនិធិកុមារកម្ពុជា (Cambodia Children’s Fund)
  9. អង្គការ ប៉ាសឺរ៉ែល នុយមេរិក កម្ពុជា (Passerelles Numeriques Cambodia)
  10. អង្គការ ហ្រ្វេន្សអ៊ីនធឺណាសិនណល (Friend International)
  11. អង្គការ ធម្មជាតិសង្រ្គោះកម្ពុជា (Nature Saves Cambodia)
  12. អង្គការ នាំអនាគតទៅមុខ (Pay It Forward)
  13. អង្គការ បំបាត់ការឈឺចាប់គ្មានព្រំដែន (Douleurs Sans Frontier’s Organization)
  14. អង្គការ ពន្លឺអនាគត (Future Light Organization)
  15. អង្គការ អិនភីអូ សុបិន្ត​ស្រ្តី ប្រូជីក (NPO Dream Girl)
  16. អង្គការ ស៊ីប៉ា (Sipar)
  17. អង្គការ​ អ៊ី ណូដូ ( IL Nodo International Organization)
  18. សាលាបច្ចេកទេស ដុន បូស្កូ ភ្នំពេញ (Don Bosco Technical School Phnom Penh)
  19. អង្គការ ចិត្ដសង្គមអន្ដរវប្បធម៌ (Transcultural Psychosocial Organization)
  20. វិថីឆ្ពោះទៅកាន់សាលារៀន (Andong Center Street to School)

គួរបញ្ជាក់ផងដែរថា យុទ្ធនាការវិក្កយបត្រពណ៌លឿងបានចាប់ផ្ដើមដំបូងនៅឆ្នាំ ២០១៦ ជាមួយអង្គការតែ ៧ប៉ុណ្ណោះ ហើយរហូតដល់ពេលបច្ចុប្បន្ន យើងបានធ្វើការសហការ និងផ្ដល់អំណោយ ដែលបានមកពីយុទ្ធនាការនេះ ដល់អង្គការផ្សេងៗគ្នាចំនួនរហូតដល់ ២០ អង្គការ។

សម្រាប់ឆ្នាំថ្មី២០២៤នេះផងដែរ AEON បានជ្រើសរើស និងប្រកាសអង្គការថ្មីចំនួន ២​ ទៀតដែលនឹងចូលរួមក្នុងយុទ្ធនាការវិក្កយបត្រពណ៌លឿង ឆ្នាំ២០២៤។

1. Ms. Véronique Puccio, From Taramana Magdalena Center

2. Ms. Yoneyama Haruka, From Heard of Gold

យុទ្ធនាការនេះ មានលក្ខណៈសមស្របទៅតាម គោលការណ៍របស់ អ៊ីអន ដែលមិនត្រឹមតែគិតគូរ ពីជំនួញរបស់ខ្លួនទេ តែថែមទាំងយកចិត្តទុកដាក់ខ្ពស់ក្នុងការចូលរួម និងកាត់បន្ថយបញ្ហាសង្គមនានា ផងដែរ។ តាមរយៈយុទ្ធនាការនេះ អ៊ីអន នឹងចូលរួមចំណែកក្នុងកិច្ចការសង្គមកាន់តែច្រើនជាងមុន ទាំងនៅពេលបច្ចុប្បន្ន និងពេលអនាគត ទន្ទឹមនឹងការរីកចម្រើននៃអាជីវកម្មរបស់ខ្លួន។

គាំទ្រយុទ្ធនាការវិក្កយបត្រពណ៌លឿង របស់ផ្សារទំនើប អ៊ីអន ដើម្បីសហគមន៍របស់យើងទាំងអស់គ្នា!