aeoncambodia Archives - AEON Cambodia

ផ្សារទំនើប អ៉ីអន បានធ្វើពិធីប្រគល់អំណោយជាសម្ភារៈ ស្មើរជាទឹកប្រាក់ ៨ពាន់ដុល្លារ ទៅអង្គការសមាគមន៍ក្នុងស្រុក ដែលបានមកពីយុទ្ធនាការវិក្កយបត្រពណ៌លឿងរបស់ខ្លួនក្នុងឆ្នាំ២០២៥

ថ្ងៃចុះផ្សាយ ខែមករា 11, 2026

នៅថ្ងៃទី ១១ មករា ២០២៦ ផ្សារទំនើប អ៉ីអន បានធ្វើពិធីប្រគល់អំណោយជាសម្ភារៈ នៅផ្សារទំនើប អ៉ីអន សែនសុខ ទៅអង្គការសមាគមន៍ក្នុងស្រុក ដែលបានមកពីយុទ្ធនាការវិក្កយបត្រពណ៌លឿងរបស់ខ្លួនក្នុងឆ្នាំ២០២៥ សរុបជាទឹកប្រាក់ ៨៧០០.៦៣ ដុល្លារ ទៅកាន់អង្គការសហគមន៏សរុប ២១អង្គការ។

ដោយឡែកសម្រាប់ចំនួនទឹកប្រាក់សរុបដែលបានប្រគល់តាំងពីឆ្នាំ២០១៦ រហូតមកដល់ឆ្នាំ២០២៥នេះគិតជាអំណោយជាសម្ភារៈដែលបានផ្តល់ស្មើរនឹងទឹកប្រាក់ចំនួន៦១,៤៧៧.៩៨ដុល្លារ។

យុទ្ធនាការវិក្កយបត្រពណ៌លឿងនេះ មានគោលបំណងបង្កើនការចូលរួមរបស់អតិថិជនក្នុងកិច្ចការសប្បុរសធ៌ម និងបណ្ដុះនូវវប្បធ៌មនៃការចែករំលែកនៅក្នុងសង្គម។

គួររំលឹកផងដែរថា យុទ្ធនាការវិក្កយបត្រពណ៌លឿង របស់ផ្សារទំនើប AEON ត្រូវបានធ្វើទ្បើងជារៀងរាល់ថ្ងៃទី១១ នៃខែនីមួយៗ។

គួរបញ្ជាក់ផងដែរថា យុទ្ធនាការវិក្កយបត្រពណ៌លឿងបានចាប់ផ្ដើមដំបូងនៅឆ្នាំ ២០១៦ ជាមួយអង្គការតែ ៧ប៉ុណ្ណោះ ហើយរហូតដល់ពេលបច្ចុប្បន្ន យើងបានធ្វើការសហការ និងផ្ដល់អំណោយ ដែលបានមកពីយុទ្ធនាការនេះ ដល់អង្គការផ្សេងៗគ្នាចំនួនរហូតដល់ ២១ អង្គការ។

យុទ្ធនាការនេះ មានលក្ខណៈសមស្របទៅតាម គោលការណ៍របស់ អ៉ីអន ដែលមិនត្រឹមតែគិតគូរ ពីជំនួញរបស់ខ្លួនទេ តែថែមទាំងយកចិត្តទុកដាក់ខ្ពស់ក្នុងការចូលរួម និងកាត់បន្ថយបញ្ហាសង្គមនានា ផងដែរ។ តាមរយៈយុទ្ធនាការនេះ អ៉ីអន នឹងចូលរួមចំណែកក្នុងកិច្ចការសង្គមកាន់តែច្រើនជាងមុន ទាំងនៅពេលបច្ចុប្បន្ន និងពេលអនាគត ទន្ទឹមនឹងការរីកចម្រើននៃអាជីវកម្មរបស់ខ្លួន។

អង្គការសមាគមន៍ទាំង ២១ រួមមាន៖

អង្គការ ក្ដីសង្ឃឹមនៃកុមារ
មជ្ឈមណ្ឌលព្យាបាលកុមារ បេះដូងជប៉ុន
អង្គការស្នាមញញឹមកម្ពុជា
សមាគមន៏អភិវឌ្ឍន៏គ្រួសារពលី និង កុមារកំព្រា
អង្គការ មិត្តសំឡាញ់
មូលនិធិគាំទ្រការអប់រំអន្ដរជាតិកម្ពុជា
អង្គការ មូលនិធិកុមារ និង និស្សិតកម្ពុជា
អង្គការ មូលនិធិកុមារកម្ពុជា
អង្គការ ប៉ាសឺរ៉ែល នុយមេរិក កម្ពុជា
អង្គការ ហ្រ្វេន្សអ៊ីនធឺណាសិនណល
អង្គការ នាំអនាគតទៅមុខ
អង្គការ បំបាត់ការឈឺចាប់គ្មានព្រំដែន
អង្គការ ពន្លឺអនាគត
អង្គការ អិនភីអូ សុបិន្តស្រ្តី ប្រូជីក
អង្គការ ស៊ីប៉ា
អង្គការ អ៊ី ណូដូ
មូលនិធិ ដុនបូស្កូ កម្ពុជា
អង្គការ ចិត្ដសង្គមអន្ដរវប្បធម៌
វិថីឆ្ពោះទៅកាន់សាលារៀន
អង្គការ តារ៉ាម៉ាណា
អង្គការ បេះដូងមាស

ទំព័រដើម » aeoncambodia

សហគ្រិនខ្មែរ និងផ្សារអុីអនគាំទ្រកិច្ចខិតខំប្រឹងប្រែងជាតិ ដើម្បីលើកកម្ពស់ទំនិញក្នុងស្រុក តាមរយៈពិព័រណ៍ក្នុងស្រុក

ថ្ងៃចុះផ្សាយ ខែវិច្ឆិកា 28, 2025

គាំទ្រផលិតផលខ្មែរ ថែសេដ្ឋកិច្ចជាតិ!

សហគ្រិនខ្មែរ ក្នុងកិច្ចសហការជាមួយផ្សារអុីអន មានសេចក្ដីសោមនស្សរីករាយក្នុងការប្រកាសពីពិព័រណ៍ផលិតផល ក្នុងស្រុកដែលនឹងប្រព្រឹត្តិទៅចាប់ពីថ្ងៃទី ០១ ដល់ថ្ងៃទី ១៤ ខែធ្នូ ឆ្នាំ ២០២៥ នៅផ្សារអុីអន សាខា ភ្នំពេញ សែនសុខ និងមានជ័យ។ ពិព័រណ៍រយៈពេលពីរសប្តាហ៍នេះ បន្តកិច្ចសហប្រតិបត្តិការយូរអង្វែងរបស់ សហគ្រិនខ្មែរ និង ផ្សារអុីអន ក្នុងការលើកកម្ពស់ផលិតផលកម្ពុជាដែលមានគុណភាពខ្ពស់ និងគាំទ្រដល់កសិករ ផលិតករ និងសហគ្រាសធុនតូច និងមធ្យមក្នុងស្រុក។

ឯកឧត្ដមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្ដិសហគ្រិនខ្មែរ មានប្រសាសន៍ថា៖ “កំណើននៃទំនុកចិត្តនិងតំរូវការរបស់អតិថិជន និងប្រជាជនចំពោះផលិតផលក្នុងស្រុកបានបង្ហាញ ពីសារៈសំខាន់នៃការគាំទ្រក្នុងការពង្រីកឱកាសចូលទីផ្សារសម្រាប់ផលិតករ។ រាជរដ្ឋាភិបាលតាមរយៈសហគ្រិនខ្មែរ បន្តបង្កើត វេទិកាដែលបង្ហាញសក្តានុពល និងសមត្ថភាពនៃផលិតករជាតិ។ ជាក់ស្តែងពិព័រណ៍នេះ គឺជាជំហានសំខាន់មួយទៀត ក្នុងការជួយឱ្យ សហគ្រាសធុនតូច និងមធ្យម ដែលជាអ្នកផលិតអាចបង្ហាញ ពីគុណភាព សុវត្ថិភាព និងនវានុវត្តន៍របស់ខ្លួន។”

លោក ស៊ិន ពិសី អគ្គនាយក ក្រុមហ៊ុន អុីអន (ខេមបូឌា) មានប្រសាសន៌ថា៖ “ផ្សារទំនើបអ៉ីអន មានកិត្តិយសក្នុងការចាប់ដៃគូជាមួយសហគ្រិនខ្មែរក្នុងការរៀបចំពិព័រណ៍ផលិតផលក្នុងស្រុកនេះឡើង។ ដោយក្នុងនោះ មានការបង្ហាញនូវផលិតផលក្នុងស្រុកដែលគុណភាពខ្ពស់រួមមាន ផ្លែឈើ គ្រឿងបរិភោគ សម្ភារប្រើប្រាស់ប្រចាំថ្ងៃ និងសិប្បកម្មផ្សេងជាច្រើនទៀត។ ផ្សារទំនើបអ៉ីអនមិនត្រឹមតែគាំទ្រដល់កសិករ ផលិតករ និងសហគ្រាសធុនតូច និងមធ្យមក្នុងស្រុកប៉ុណ្ណោះទេ តែយើងក៏គាំទ្រចក្ខុវិស័យរបស់រាជរដ្ឋាភិបាលក្នុងការពង្រឹងសេដ្ឋកិច្ចក្នុងស្រុកផងដែរ។ ពិព័រណ៍នេះឆ្លុះបញ្ចាំងពីការប្តេជ្ញាចិត្តយ៉ាងជ្រាលជ្រៅរបស់យើងចំពោះ សុវត្ថិភាពចំណីអាហារ គុណភាព តម្លៃសមរម្យ និងជួយពង្រីកទីផ្សារផលិតផលក្នុងស្រុកឱ្យកាន់តែធំទូលាយជាងមុនទៅទៀត។”

លោក គីមូរ៉ា អេអ៊ីស៊ុគេ អគ្គនាយកអធិការរបស់ ក្រុមហ៊ុន អ៊ីអន ម៉ល (ខេមបូឌា) មានប្រសាសន៍ថា៖ “ខ្ញុំមានមោទនភាព និងកិតិ្តយសក្នុងការសហការជាមួយ អ៊ីអន ខេមបូឌា និង សហគ្រិនខ្មែរ ដើម្បីរៀបចំការតាំងពិព័រណ៍ផលិតផលក្នុងស្រុក ជាលើកទី២នៅក្នុងឆ្នាំនេះ។ ព្រឹត្តិការណ៍នេះ បង្ហាញយ៉ាងច្បាស់ពីការប្តេជ្ញាចិត្តរបស់យើងក្នុងការគាំទ្រផលិតផលក្នុងស្រុក និងលើកកម្ពស់សហគ្រាសធុនតូច និងមធ្យមប្រកបដោយស្ថិរភាព។ យើងជឿជាក់ថាតាមពិព័រណ៍ផលិតផលក្នុងស្រុកនេះ មិនត្រឹមតែជាការបង្ហាញផលិតផលចម្រុះ ប៉ុណ្ណោះទេ ប៉ុន្តែក៏បង្កើតបាននូវបរិយាកាសស្និទ្ធស្នាល សុវត្ថិភាព ដែលអាចឱ្យគ្រួសារ និងភ្ញៀវទេសចរអាចរីករាយ ស្វែងយល់ ជាមួយស្មារតីច្នៃប្រឌិតរបស់ប្រជាជនកម្ពុជា។ ផ្សារទំនើប អ៊ីអន ម៉ល យើងសូមអញ្ជើញអតិថិជនទាំងអស់ចូលរួមគាំទ្រផលិតផលក្នុងស្រុក និងសហការរួមគ្នាដើម្បីបង្កើនឱកាសទីផ្សារសម្រាប់ អាជីវកម្មក្នុងស្រុក។”

សូមកុំភ្លេចចូលរួមគាំទ្រផលិតផលក្នុងស្រុកជាច្រើន ដែលបំពេញតាមស្តង់ដារ, គុណភាព និងសុវត្ថិភាព មានដូចជា គ្រឿងទេស, របស់ប្រើប្រាស់ប្រចាំថ្ងៃ, បន្លែស្រស់, ទឹកដោះគោ, អង្ករ និងវត្ថុអនុស្សាវរីយ៍ជាច្រើនទៀត។ លើសពី នេះអ្នកនឹងទទួលបានការបញ្ចុះតម្លៃលើទំនិញជាច្រើនមុខ និងឪកាសឈ្នះរង្វាន់ សម្រាប់រាល់ការបញ្ជាទិញចាប់ពី $១៥ ឡើងទៅ។

សហគ្រិនខ្មែរ និងផ្សារអុីអន សូមអញ្ជើញសាធារណជនចូលរួមពិព័រណ៍នេះ និងគាំទ្រផលិតករក្នុងស្រុក។ ការជ្រើសរើស ផលិតផលក្នុងស្រុក ជាការវិនិយោគក្នុងអនាគតរបស់ប្រទេសកម្ពុជា។

ពិព័រណ៍ឆ្នាំនេះក៏ជាសកម្មភាពសំខាន់មួយក្រោមយុទ្ធនាការប្រព័ន្ធអេកូឡូស៊ីសហគ្រិនភាពរបស់សហគ្រិនខ្មែរឆ្នាំ ២០២៥ ដែល ប្រមូលផ្តុំនូវកម្មវិធីជាច្រើនដែលដំណើរការស្របគ្នា – ពីការរៀបចំគំនិតអាជីវកម្មថ្នាក់ជាតិ ការចាប់ផ្ដើមអាជីវកម្ម និងការ ប្រកួតប្រជែង សហគ្រាសធុនតូច និងមធ្យម រហូតដល់វេទិកា ពិព័រណ៍ និងពិធីប្រគល់រង្វាន់ ដែលសហគ្រិនអាចទទួលបាន ចំណេះដឹង បណ្តាញ និងឱកាសដែលគាំទ្រដល់កំណើន និងនិរន្តរភាពរបស់ពួកគេ។

សម្រាប់ព័ត៌មានផ្សេងៗ សូមចូលទៅកាន់ទំព័ររបស់យើង៖

Facebook: AEON Retail Cambodia

Instagram: aeon_retail_cambodia

Telegram: AEON Retail Cambodia

TikTok: AEON Retail Cambodia

YouTube: AEON Retail Cambodia

ទំព័រដើម » aeoncambodia

ជនជាតិជប៉ុន និងខ្មែរ រួមគ្នាដាំដើមឈើ ១ម៉ឺនដើម នៅផ្នែកខាងជើងបរិវេណប្រាសាទនាគពន្ធ

ថ្ងៃចុះផ្សាយ ខែកក្កដា 5, 2025

រាជធានីភ្នំពេញ ៖ ក្នុងស្មារតីស្រឡាញ់ធម្មជាតិ ជនជាតិជប៉ុន និងជនខ្មែរ ៨០០នាក់ បានរួមគ្នា ដាំកូនឈើចំនួន ១ម៉ឺនដើម លើផ្ទៃដីទំហំ៥ហិកតា នៅក្នុងឧទ្យានធម្មជាតិអង្គរអ៊ីអន នាផ្នែកខាងជើង នៃបារាយណ៍ជ័យតដាក(បារាយណ៍ខាងជើង) នៃប្រាសាទនាគពន្ធ ក្នុងតំបន់ឧទ្យានអង្គរ ។

ការដាំកូនឈើគឺមានសារៈសំខាន់ ដោយវាអាចជួយដល់ជីវចម្រុះធម្មជាតិ ជួយដល់បរិស្ថានឱ្យប្រជាពលរដ្ឋអាចរស់នៅមានសុខភាពល្អ ព្រមទាំងអាចធ្វើឱ្យមាននិរន្តភាព នៃប្រភពទឹកនៅក្រោមដី ដើម្បីជួយទ្រទ្រង់ដល់គ្រឹះប្រាសាទបុរាណនានា ឱ្យមានសុវត្ថិភាពផង។

ថ្លែងក្នុងពិធីដាំដុះ នាព្រឹកថ្ងៃទី០៥ ខែកក្កដា ឆ្នាំ២០២៥ លោកជំទាវ សាន់ណារ៉ា ឡងឌី រដ្ឋលេខាធិការក្រសួងវប្បធម៌ និងវិចិត្រសិល្បៈនិងជាតំណាងដ៏ខ្ពង់ខ្ពស់របស់លោកជំទាវបណ្ឌិតសុភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាល នៃអាជ្ញាធរជាតិអប្សរា មានប្រសាសន៍ថា ដើមឈើគឺជាជីវិត បើគ្មានដើមឈើ គឺគ្មានប្រភពទឹក គ្មានជីវិតមនុស្ស សត្វ និងជីវចម្រុះ គ្មានបរិស្ថានស្រស់ស្អាត និងគ្មានអ្វីៗទាំងអស់ ។

លោកជំទាវបញ្ជាក់ទៀតថា ៖ “នៅក្នុងតំបន់អង្គរ គឺដើមឈើមានសារសំខាន់យ៉ាងខ្លាំង។ ដើមឈើមានតួនាទី ក្នុងការទាក់ទាញទឹកភ្លៀង រក្សាបាននូវប្រភពទឹកក្រោមដី ស្រូបយកឧស្ម័នកាបូនិកបំប្លែងទៅជាឧស្ម័នអ៊ុកស៊ីហ្សែន និងផ្ដល់ជាម្លប់ដល់អ្នកទេសចរណ៍ និងសត្វផង។ បន្ថែមលើនេះដើមឈើ ក៏ដើរតួនាទីដ៏សំខាន់ផ្សេងទៀត ក្នុងកិច្ចការពារប្រាសាទបុរាណផងដែរ” ។

លោកជំទាវបន្តថា មានន័យប្រាសាទបុរាណខ្មែរជាច្រើន បានសាងសង់លើគ្រឹះ ដែលជាដីខ្សាច់ ហើយត្រូវការចាំបាច់នូវប្រភពទឹកក្រោមដី និងទឹកភ្លៀង សម្រាប់រក្សា និងបញ្ចូលទឹកទៅក្នុងប្រឡាយ ស្រះ បារាយណ៍ កសិន្ទុបុរាណ ដែលនៅព័ទ្ធជុំវិញ ដើម្បីជួយចិញ្ចឹមគ្រឹះប្រាសាទ ឱ្យមានលំនឹង និងកុំឱ្យបាក់ដួលរលំ។ ដើមឈើ ក៏ជួយជារនាំងការពារទប់ទល់ និងការប្រែវប្រួលអាកាសធាតុ ការរីករួមពុកផុយថ្មរបស់ប្រាសាទ និងគ្រោះធម្មជាតិ ខ្យល់ព្យុះ ព្រមទាំងទឹកជំនន់ជាដើម ។

ជាមួយគ្នានោះដែរ លោកជំទាវរដ្ឋលេខាធិការបានលើកឡើងថា ក្នុងរយៈពេលជាង២០ឆ្នាំកន្លងមកនេះ អាជ្ញាធរជាតិអប្សរា ដែលមានកិច្ចសហការជាមួយស្ថាប័នផ្សេងៗ បានប្រឹងប្រែងយ៉ាងខ្លាំង ក្នុងការដាំដើមឈើចម្រុះ នៅក្នុងតំបន់ឧទ្យានអង្គរ បានចំនួនជាង២លានដើម ។
ចំ
ណែកឯកអគ្គរាជទូតជប៉ុនប្រចាំកម្ពុជា ឯកឧត្តម អាត់ស៊ីស៊ិ អ៊ីណូ (Atsushi Ueno) បានថ្លែងថា ជាច្រើនឆ្នាំមកនេះ ក្រុមហ៊ុនអ៊ីអន មិនត្រឹមតែមកវិនិយោគ ដើម្បីជួយសេដ្ឋកិច្ច ផ្ដល់ការងារលើកកម្ពស់ជីវភាពប្រជាពលរដ្ឋខ្មែរទេ គឺក្រុមហ៊ុននេះ ក៏កំពុងចូលរួមការងារសង្គមនៅក្នុងប្រទេសកម្ពុជាជាច្រើន ដូចជាកិច្ចការពារបរិស្ថាន និងកិច្ចការពារសម្បត្តិបេតិកភណ្ឌផងដែរ ។
ជាក់ស្ដែងមូលនិធិអ៊ីអន បានជួយសាងសង់សារមន្ទីរព្រះនរោត្តមសីហនុ នៅក្នុងខេត្តសៀមរាប ដើម្បីដាក់វត្ថុសិល្បៈបុរាណ ដែលរកឃើញពីតំបន់អង្គរផងដែរ ។

លោកថា រាជរដ្ឋាភិបាលជប៉ុននឹងបន្តកិច្ចសហប្រតិបត្តិការល្អៗថែមទៀត ជាមួយរាជរដ្ឋាភិបាលកម្ពុជា ដើម្បីពង្រីកនិងពង្រឹងមិត្តភាពជប៉ុន-កម្ពុជាឱ្យកាន់តែរឹងមាំថែមទៀត។

សមាជិកក្រុមប្រឹក្សាភិបាលមូលនិធិបរិស្ថានអីអន លោក ណាអូយ៉ា អូកាដា(Naoya Okada)បានថ្លែងនៅក្នុងពិធីប្រារព្ធពិធីដាំដើមឈើលើកទី១ នៅក្នុងឧទ្យានធម្មជាតិអង្គរ រួមគ្នានេះថា គម្រោងដាំដើមឈើ១ម៉ឺនដើមនៅក្នុងឧទ្យានអង្គរថ្ងៃនេះ ក្នុងបំណងដើម្បីការពារក្រុងអង្គរធំដែលជាសម្បត្តិបេតិកភណ្ឌ ការពារបរិស្ថានជួយដល់ជីវិតសត្វ និងមនុស្សឱ្យកាន់តែប្រសើរឡើង។
លោក Naoya Okada បានលើកឡើងថាការដាំកូនឈើនៅថ្ងៃនេះក្រោមកិច្ចសហការរវាងមូលនិធិអ៉ីអន(AEON) ជប៉ុន និងអាជ្ញាធរជាតិអប្សរា ។

លោកក៏បានរំពឹងទុកថាការរួមគ្នាដាំដើមឈើវាងពលរដ្ឋជប៉ុននិងខ្មែរក្នុងថ្ងៃនេះ គឺវាអាចនឹងធ្វើឱ្យធម្មជាតិសំបូរបែបនៅពេលអនាគត។ចាប់តាំងពីឆ្នាំ២០១២មក មូលនិធិអ៉ីអន បានគាំទ្រដល់ការងារលើកកម្ពស់បរិស្ថាននៅក្នុងតំបន់អង្គរ ៕

ទំព័រដើម » aeoncambodia

ផ្លែល្ហុងពីខេត្តកណ្ដាលនឹងមកដល់ផ្សារទំនើបអ៉ីអន នៅថ្ងៃទី ២៦ខាងមុខនេះ!

ថ្ងៃចុះផ្សាយ ខែមិថុនា 25, 2025

ចូលរួមគាំទ្រកសិផលខ្មែរដើម្បីកសិករខ្មែរ!

ក្រោមកិច្ចសហការណ៍ជាមួយក្រសួងពាណិជ្ជកម្ម នឹងក្រុមហ៊ុន TROPICAM FRUIT AND VEGETABLE CO., LTD ក្នុងការគាំទ្រប្រជាកសិករក្នុងខេត្តកណ្ដាល សម្រាប់ផ្លែល្ហុង ផ្សារទំនើបអ៉ីអនបានចូលរួមជាចំណែកបាននាំផ្លែល្ហុងដាក់នៅក្នុងផ្សារអ៉ីអន ទាំង ៣សាខា នឹងតាមបណ្ដាផ្សារទំនើប អ៉ីអន ម៉េកវែលយូ មួយចំនួន ជាមួយការផ្ដល់ជូនពិសេស ទិញ ១ ថែម ១ ហើយក្នុងតម្លៃត្រឹមតែ ៥០០រៀលប៉ុណ្ណោះ ក្នុង ១ផ្លែ។

អតិថិជនទាំងអស់ អាចចូលរួមគាំទ្រ ដើម្បីចូលរួមចំណែកស្វែងរកទីផ្សារសម្រាប់ប្រជាកសិករខ្មែរយើងទាំងអស់គ្នា តាមរយៈការទិញផ្លែល្ហុងដែលមានដាក់លក់នៅផ្សារទំនើប អ៉ីអន ទាំង ៣ សាខា នឹងតាមបណ្ដាផ្សារទំនើប អ៉ីអន ម៉េកវែលយូ ចាប់ពីថ្ងៃទី ២៦ មិថុនា ២០២៥ រហូតដល់អស់ពីស្តុក ៕

កុំភ្លេចមកគាំទ្រកសិផលខ្មែរទាំងអស់គ្នាណា! យើងធានាជូននូវ គុណភាព សុវត្ថិភាព និង តម្លៃ!

សម្រាប់ព័ត៌មានបន្ថែម៖

Facebook: AEON Retail Cambodia

Instagram: aeon_retail_cambodia

Telegram: AEON Retail Cambodia

TikTok: AEON Retail Cambodia

YouTube: AEON Retail Cambodia

ទំព័រដើម » aeoncambodia

ផ្លែល្ពៅពីខេត្តព្រះវិហារនឹងមកដល់ផ្សារទំនើបអ៉ីអន នៅថ្ងៃទី ២០ខាងមុខនេះ!

ថ្ងៃចុះផ្សាយ ខែមិថុនា 19, 2025

ចូលរួមគាំទ្រកសិផលខ្មែរដើម្បីកសិករខ្មែរ!

ក្រោមកិច្ចសហការណ៍ជាមួយក្រសួងពាណិជ្ជកម្ម ក្នុងការគាំទ្រប្រជាកសិករក្នុងខេត្តព្រះវិហារ សម្រាប់ផ្លែល្ពៅ ផ្សារទំនើបអ៉ីអនបានចូលរួមជាចំណែកបាននាំផ្លែល្ពៅដាក់នៅក្នុងផ្សារអ៉ីអន ទាំង ៣សាខាក្នុងតម្លៃពិសេស ត្រឹមតែ ១០០០៛ ក្នុង ១ផ្លែតែប៉ុណ្ណោះ។

អតិថិជនទាំងអស់ អាចចូលរួមគាំទ្រ ដើម្បីចូលរួមចំណែកស្វែងរកទីផ្សារសម្រាប់ប្រជាកសិករខ្មែរយើងទាំងអស់គ្នា តាមរយៈការទិញផ្លែល្ពៅដែលមានដាក់លក់នៅផ្សារទំនើប អ៉ីអន ទាំង ៣ សាខាចាប់ពីថ្ងៃទី ២០ មិថុនា ២០២៥ រហូតដល់អស់ពីស្តុក ៕

សម្រាប់ព័ត៌មានបន្ថែម៖

Facebook: AEON Retail Cambodia

Instagram: aeon_retail_cambodia

Telegram: AEON Retail Cambodia

TikTok: AEON Retail Cambodia

YouTube: AEON Retail Cambodia

ទំព័រដើម » aeoncambodia

ពិព័រណ៍ម្ហូបកូរ៉េ ដោយ ឆនឡាណាមដូ នៅផ្សារទំនើបអ៉ីអនសែនសុខ

ថ្ងៃចុះផ្សាយ ខែមិថុនា 13, 2025

ថ្ងៃទី 13 ខែមិថុនា ឆ្នាំ 2025 – ផ្សារទំនើបអ៉ីអន សែនសុខ ស៊ីធី បានរៀបបចំពិព័រណ៍ម្ហូបកូរ៉េ ដោយ ឆនឡាណាមដូ ជាមួយនឹងការតាំងបង្ហាញផលិតផលកូរ៉េជាច្រើន រួមមានគ្រឿងឧបភោគ បរិភោគជាច្រើន។

លើសពីនេះទៅទៀតនៅរសៀលថ្ងៃដដែលគណះគ្រប់គ្រងផ្សារទំនើប អ៉ីអន សែនសុខ មានកិត្តិយសក៏ដូចជាការស្វាគមន៍ លោក Kim Yung-rok អភិបាលក្រុង Jeollanamdo, លោក Jeong Myung Kyu ប្រធានសមាគមកូរ៉េប្រចាំកម្ពុជា, លោក Sung Dong-il ប្រធានសមាគមកូរ៉េប្រចាំនៅកម្ពុជា, លោក Yun Ha Cheong អគ្គនាយក KOTRA និងអ្នកចូលរួមផ្សេងទៀតពីក្រុមហ៊ុន CamKo Brother ដែលបានមកទស្សនាពិព័រណ៌កាលពីព្រឹកមិញនេះ ដើម្បីចែករំលែកអំពីការរៀបចំ និងផលិតផលកូរ៉េដល់អតិថិជន។ តាមរយៈពិព័រណ៍នេះផងដែរក្រៅពីការដាក់តាំងលក់ផលិតផលកូរ៉េ ក៏មានការការភ្លក់គីមបាប់ និងការធ្វើគីមបាប់ផងដែរ។

For other information, please visit our page:

Facebook: AEON Retail Cambodia

Instagram: aeon_retail_cambodia

Telegram: AEON Retail Cambodia

TikTok: AEON Retail Cambodia

YouTube: AEON Retail Cambodia

ទំព័រដើម » aeoncambodia

សហគ្រិនខ្មែរ និងផ្សារអ៉ីអន រៀបចំពិព័រណ័ផលិតផលក្នុងស្រុក

ថ្ងៃចុះផ្សាយ ខែឧសភា 20, 2025

គាំទ្រផលិតផលខ្មែរ ថែសេដ្ឋកិច្ចជាតិ!សហគ្រិនខ្មែរ និងផ្សារអ៉ីអន មានសេចក្ដីសោមនស្សរីករាយ ក្នុងការប្រកាសពីការរៀបចំពិព័រណ៍ផលិតផលក្នុង ស្រុក ចាប់ពីថ្ងៃទី២០ ខែឧសភា ដល់ថ្ងៃទី០១ ខែមិថុនា ឆ្នាំ២០២៥ នៅសាខាទាំងបី រួមមានផ្សារអ៉ីអនភ្នំពេញ, សែនសុខ និងមានជ័យ។

ពិព័រណ៍ដែលមានរយៈពេលពីរសប្តាហ៍នេះមានគោលបំណងជួយលើកកម្ពស់ផលិត ផលក្នុងស្រុកលើកកម្ពស់ជីវភាពរបស់ប្រជាកសិករក្នុងស្រុកនិងបើកឱកាសទីផ្សារថ្មីៗសម្រាប់ផលិតផលក្នុងស្រុកទាំងនៅក្នុងតំបន់ និងនៅក្រៅតំបន់។ នេះគឺជាលើកទី៩ ហើយដែលសហគ្រិនខ្មែរ និងផ្សារទំនើបអ៉ីអនបាន សហការគ្នា ដើម្បីផ្សព្វផ្សាយផលិតផល និងសហគ្រាសធុនតូចនិងមធ្យមក្នុងស្រុក ដែលស្របទៅតាមគោល នយោបាយរបស់រាជរដ្ឋាភិបាលកម្ពុជាក្នុងការលើកកម្ពស់ផលិតផលក្នុងស្រុកនៅលើទីផ្សារឲ្យកាន់តែទូលំទូលាយ។

ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួកបន្ទុកជានាយកប្រតិបត្តិនៃសហគ្រិនខ្មែរ បានមានប្រសាសន៍ថា៖ “ការលើកកម្ពស់លទ្ធភាពទទួលបានទីផ្សារសម្រាប់សហគ្រាសធុនតូចនិងមធ្យមតាមរយៈ ដៃគូក្នុងតំបន់ និងបណ្តាញអន្តរជាតិជាការងារអាទិភាពមួយ ក្នុងចំណោមការងារចំបងផ្សេងទៀតរបស់ សហគ្រិនខ្មែរ។ កម្មវិធីរៀបចំផ្សព្វផ្សាយផលិតផល ដោយសហគ្រិន ជាសក្ខីភាពបង្ហាញពីការសហការរវាងរដ្ឋ និងឯកជន, ព្រមទាំងជាពិសេសការភ្ជាប់ទីផ្សារ រវាងក្រុមហ៊ុនអន្ដរជាតិ និងសហគ្រាសធុនតូច និងមធ្យម ក្នុងការបង្កើតទំនាក់ទំនងធុរកិច្ចដ៏រឹងមាំ សម្រាប់អនាគតយូរអង្វែង។”

លោក ស៊ិន ពិសី អគ្គនាយក ក្រុមហ៊ុន អ៉ីអន (ខេមបូឌា) បានមានប្រសាសន៌ថា៖ “ពិព័រណ៍នេះទទួលបាន ការគាំទ្រយ៉ាងខ្លាំងពីអតិថិជនទាំងក្នុងស្រុក និងជនបរទេសជាច្រើន ដោយគិតចាប់តាំងពីឆ្នាំ២០២១មកនេះ ជាលើកទី៩ហើយ ដែលផ្សារទំនើបអុីអនបានសហការជាមួយសហគ្រិនខ្មែរក្នុងការរៀបចំពិព័រណ៍ផលិតផលក្នុង ស្រុក ហើយឆ្នាំនេះផងដែរ ផ្សារទំនើបអ៉ីអនបានពង្រីកការដាក់តាំងលក់ឱ្យកាន់តែធំ និងច្រើនជាងឆ្នាំមុនៗ ទៅទៀត នៅក្នុងផ្សារទាំង៣សាខារបស់យើង។”

For other information, please visit our page:

Facebook: AEON Retail Cambodia

Instagram: aeon_retail_cambodia

Telegram: AEON Retail Cambodia

TikTok: AEON Retail Cambodia

YouTube: AEON Retail Cambodia

ទំព័រដើម » aeoncambodia

កាន់តែសន្សំសំចៃ! ផ្សារទំនើបអ៉ីអន កែប្រែតម្លៃលក់រាយថ្មីលើគ្រប់ផ្នែកនៃសាច់ជ្រូក ចាប់ពីខែកញ្ញានេះតទៅ

ថ្ងៃចុះផ្សាយ ខែកញ្ញា 12, 2024

ផ្សារទំនើបអ៉ីអន នឹងធ្វើការលក់សាច់ជ្រូក ក្នុងតម្លៃពិសេសថ្មី ហើយធានាថាជាសាច់ជ្រូកក្នុងស្រុកផ្ទាល់ ដែលមានដូចសាច់បីជាន់ ឆ្អឹងជំនី ជើងជ្រូក ចំឡកក្នុងក្រៅ និង គ្រឿងក្នុងជ្រូកជាច្រើនទៀត ១២ ខែកញ្ញា នេះទៅ។

នេះជាដំណឹងល្អមួយ សម្រាប់អតិថិជិនគ្រប់រូប ជាពិសេសនោះគឺបងៗស្រ្តីមេផ្ទះ ដែលតែងតែចម្អិនអាហារឈ្ងុយឆ្ងាញ់ជារៀងរាល់ថ្ងៃសម្រាប់កូនៗជាទីស្រលាញ់ និង គ្រួសារដ៏កក់ក្តៅ។

តាមរយៈលោក Mori Akifumi ដែលជាអ្នកគ្រប់គ្រងខាងផ្នែកបញ្ជាទិញ នៅផ្សារទំនើប មានប្រសាសន៍ថា “ដើម្បីបំពេញតម្រូវការរបស់អតិថិជនផ្ទាល់ ដែលតែងតែបន្តគាំទ្រក្នុងការទិញទំនិញ បន្លែ ត្រី សាច់ និង គ្រឿងឧបភោគបរិភោគ គ្រប់ប្រភេទនៅក្នុងផ្សារទំនើបអ៉ីអនពិសេសជាងគេនោះគឺ សាច់ជ្រូក ដែលជាតម្រូវការប្រចាំថ្ងៃ។ ផ្សារទំនើបអ៉ីអន បានធ្វើការដាក់លក់សាច់ជ្រូកក្នុងតម្លៃមួយដែលពិសេស ហើយសមស្របទៅហ្នឹងតម្លៃទីផ្សារ និងធានាថាសាច់គ្រប់ប្រភេទដែលដាក់លក់ទាំងអស់ មានសុវតិ្ថភាពចំពោះអតិថិជនរបស់យើង។

ជាចុងក្រោយ ខ្ញុំបាទតំណាងផ្សារទំនើបអ៉ីអន សូមអរគុណអតិថិជន ដែលតែងតែគាំទ្រផ្សារទំនើបអ៊ីអន ហើយក្នុងឳកាសភ្ជុំបិណ្ឌខាងមុខនេះសូមជូនពរអោយអតិថិជនទាំងអស់ជួបតែពុទ្ធពរទាំងបួនប្រការគឺ អាយុ វណ្ណៈ សុខៈ និង ពលៈកុំបីឃ្លៀតឃ្លាឡើយ”។

គូសបញ្ជាក់ឲ្យដឹងផងដែរថា ការលក់សាច់ជ្រូក ក្នុងតម្លៃពិសេសថ្មីនេះ អតិថិជនអាចធ្វើការទិញបញ្ជាទិញ តាមរយៈ គេហទំព័រ និងកម្មវិធីទូរស័ព្ទដៃ អ៉ីអន អនឡាញ។

——

ក្រុមហ៊ុន អ៉ីអនខេមបូឌា ខូ អិលធីឌី បានបើកដំណើរការអាជីវកម្មរបស់ខ្លួនក្នុងប្រទេសកម្ពុជាតាំងពីខែកក្កដា ឆ្នាំ២០១៤ ក្នុងនាមជាក្រុមហ៊ុនលក់រាយធំជាងគេមួយក្នុងចំណោមក្រុមហ៊ុនលក់រាយជាច្រើនទៀត។ ស្ថិតនៅក្រោមបុត្រសម្ព័ន្ធរបស់ក្រុមហ៊ុន អ៉ីអន គ្រុប ដែលមានមូលដ្ឋាននៅប្រទេសជប៉ុន ក្រុមហ៊ុន អ៊ីអនខេមបូឌា ខូ អិលធីឌី ប្ដេជា្ញយក “អតិថិជនជាចម្បង” និងមានគោលការណ៍មូលដ្ឋានរបស់ខ្លួនដើម្បីសម្រេចបាននូវភាពសុខដុមរម្យនា ស្ថេរភាព និងសន្តិភាពក្នុងសង្គម តាមរយៈអាជីវកម្មរបស់ខ្លួន។

លោកអ្នកក៏អាចធ្វើការបញ្ជាទិញជាមួយ អុីអន អនឡាញ តាមរយៈគេហទំព័រ

www.aeononlineshopping.com

ឬ ទាញយកកម្មវិធី AEON Online Mobile App

សម្រាប់ព័ត៌មានបន្ថែម:

Website: www.aeoncambodia.com

Facebook: AEON Retail Cambodia

Telegram: AEON Retail Cambodia

Instagram: aeon_retail_cambodia

YouTube: AEON Retail Cambodia

ទំព័រដើម » aeoncambodia

យុទ្ធនាការទឹកសុវត្ថិភាពរបស់អ៉ីអន យូនីសេហ្វ ២០២៤

ថ្ងៃចុះផ្សាយ ខែសីហា 1, 2024

កាលពីថ្ងៃទី២២ ខែកក្កដា ឆ្នាំ ២០២៤ កន្លងទៅនេះ ផ្សារទំនើបអ៉ីអន បានប្រារព្ធយុទ្ធនាការទឹកសុវត្ថិភាពដោយមានការសហការរវាង អ៉ីអន ជាមួយអង្គការ យូនីសេហ្វ នៅផ្សារទំនើបអ៉ីអន សែនសុខ ស៉ីធី ក្រោមអធិបតេយ្យភាព ឯកឧត្តម Atsushi Ueno ឯកអគ្គរាជទូតជប៉ុនប្រចាំនៅកម្ពុជា រួមជាមួយភ្ញៀវកិត្តិយសជាច្រើនផ្សេងទៀតដូចជា៖

លោក ភា ស៉ីណាត ប្រធានការិយាល័យបច្ចេកទេសនៃអគ្គនាយកដ្ឋានកិច្ចការទូទៅទឹកស្អាតសម្រាប់បរិភោគនៃក្រសួង ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។
លោក លឹម មីន នាយកប្រតិបត្តិសមាគមផ្គត់ផ្គង់ទឹកនៅប្រទេសកម្ពុជា។
លោក វីល ផាក (Mr. Will Park) ប្រធានកិត្តិយស អង្គការ (UNICEF) ប្រចាំនៅប្រទេសកម្ពុជា។

ចាប់តាំងពីឆ្នាំ ២០១០ មក ពួកយើងបានអនុវត្តន៍យុទ្ធនាការ ទឹកស្អាត អ៉ីអន យូនីសេហ្វ ដែលពាក់ព័ន្ធនឹងការដំឡើងបរិក្ខារផ្គត់ផ្គង់ទឹក ដោយមានការសហការជាមួយអង្គការ UNICEF ក្នុងគោលបំណងផ្សព្វផ្សាយអំពីការជួយវិស័យអប់រំ និងសុខភាព ហើយបានបរិច្ចាគអំណោយដែលទទួលបានពីទូទាំងប្រទេសជប៉ុន និងការបរិច្ចាគពីមូលនិធិនេះតាមរយៈគណៈកម្មាធិការជប៉ុនយូនីសេហ្វ។

ក្នុងការប្រារព្ធយុទ្ធនាការខាងលើនេះលោក ម៉ូរី ជាប្រធានក្លឹប Aeon 1% បានថ្លែងថា៖

នៅក្នុងឆ្នាំនេះ យើងបានរៀបចំសកម្មភាពរៃអង្គាសប្រាក់នៅតាមហាង Aeon Group នៅទូទាំងប្រទេសជប៉ុន ហើយប្រាក់រៃអង្គាសដែលទទួលបានពីអតិថិជនមានចំនួនសរុបប្រហែល $150,000 (មួយសែន ប្រាំម៉ឺនដុល្លារ) ហើយ ក្លឹប Aeon 1% ក៏បានបរិច្ចាកចំនួនទឹកប្រាក់នេះជាមួយនឹងចំនួនដូចគ្នាផងដែរ។ លើសពីនេះទៅទៀត អង្គការយូនីសេហ្វជប៉ុនក៏បានបរិច្ចាក ទឹកប្រាក់សរុបប្រមាណស្មើគ្នានឹងចំនួនទឹកប្រាក់ ដែលបានរៃអង្គាសប្រាក់នៅតាមហាង Aeon Group នៅទូទាំងប្រទេសជប៉ុន និងក្លឹប Aeon 1% ដែលមានចំនួនទឹកប្រាក់សរុប $600,000 (ប្រាំមួយសែនដុល្លារ) ដើម្បីជួយដំឡើង និងពង្រីកបរិក្ខារផ្គត់ផ្គង់ទឹក បើគិតតាំងពីឆ្នាំ ២០១០មក ទឹកប្រាក់ដែលបានមកពីការរៃអង្គាសនេះសរុបគឺប្រហែល 3.5លានដុល្លារ។

ហើយសម្រាប់ប្រទេសកម្ពុជា Aeon Group បានអនុវត្តន៍គម្រោងសាងសង់សាលារៀនតាំងពីឆ្នាំ ២០០០ ដើម្បីផ្តល់កន្លែងសិក្សាដល់កុមារ ហើយបានសាងសង់សាលារៀនបានចំនួន ១៥១ ខ្នង ហើយបានផ្ដល់អាហារូបករណ៌ដល់និស្សិតសាកលវិទ្យាល័យកម្ពុជាចំនួន ២២១ នាក់ ដែលក្នុងនោះ សិស្សនិស្សិត មួយចំនួនបានចូលរួមក្នុងកម្មវិធី “អ្នកដឹកនាំយុវជនអាស៉ី ដែលជាកម្មវិធី ជំរុញដល់ការបណ្ដុះបណ្ដាលដល់អ្នកដឹកនាំវ័យក្មេងនៅអាស៉ីជាលក្ខណៈអន្តរជាតិ”។

…

គូសបញ្ជាក់ឲ្យដឹងផងដែរថា អ៉ីអន គ្រុប បានចាប់ផ្ដើមអាជីវកម្មផ្សារទំនើបអ៉ីអនម៉លភ្នំពេញក្នុងឆ្នាំ ២០១៤ ហើយផ្សារទំនើបចំនួន ៣ កំពុងបើកដំណើរការ។ អ៉ីអន គ្រុប បានបង្កើតអ៉ីអន ១% ក្លឹបឡើងក្នុងឆ្នាំ ១៩៩០ ដោយយកប្រាក់ចំណេញ ១% ដែលទទួលបានពីអតិថិជនដែលប្រើប្រាស់ អ៉ីអន គ្រុប ដើម្បីគាំទ្រលើសកម្មភាពវិភាគទានសង្គម ដោយផ្អែកលើសរស្តម្ភទាំង ៣រួមមាន៖ “ការចិញ្ចឹមបីបាច់ថែរក្សាសុខភាពកុមារ” “ការកសាងមិត្តភាពជាមួយប្រទេសផ្សេងៗ” និង “ការរួមចំណែកក្នុងការអភិវឌ្ឍន៍មូលដ្ឋាន” ។

Aeon 1% Club នឹងបន្តធ្វើការឆ្ពោះទៅអនាគតដែលពោរពេញដោយស្នាមញញឹមសម្រាប់ក្មេងៗជំនាន់ក្រោយ។

ទំព័រដើម » aeoncambodia

យុទ្ធនាការទឹកសុវត្ថិភាព អ៊ីអនយូនីសេហ្វ

ថ្ងៃចុះផ្សាយ ខែកក្កដា 15, 2024

ស្វែងយល់បន្ថែមអំពីអាជីវកម្មរបស់យើង

ស្វែងយល់បន្ថែមអំពីម៉ាកឯកជន

Tag: aeoncambodia

ជនជាតិជប៉ុន និងខ្មែរ រួមគ្នាដាំដើមឈើ ១ម៉ឺនដើម នៅផ្នែកខាងជើងបរិវេណប្រាសាទនាគពន្ធ

ផ្លែល្ហុងពីខេត្តកណ្ដាលនឹងមកដល់ផ្សារទំនើបអ៉ីអន នៅថ្ងៃទី ២៦ខាងមុខនេះ!

ផ្លែល្ពៅពីខេត្តព្រះវិហារនឹងមកដល់ផ្សារទំនើបអ៉ីអន នៅថ្ងៃទី ២០ខាងមុខនេះ!

ពិព័រណ៍ម្ហូបកូរ៉េ ដោយ ឆនឡាណាមដូ នៅផ្សារទំនើបអ៉ីអនសែនសុខ

សហគ្រិនខ្មែរ និងផ្សារអ៉ីអន រៀបចំពិព័រណ័ផលិតផលក្នុងស្រុក

កាន់តែសន្សំសំចៃ! ផ្សារទំនើបអ៉ីអន កែប្រែតម្លៃលក់រាយថ្មីលើគ្រប់ផ្នែកនៃសាច់ជ្រូក ចាប់ពីខែកញ្ញានេះតទៅ

យុទ្ធនាការទឹកសុវត្ថិភាពរបស់អ៉ីអន យូនីសេហ្វ ២០២៤

យុទ្ធនាការទឹកសុវត្ថិភាព អ៊ីអនយូនីសេហ្វ