Tag: aeoncambodia

ពិព័រណ៌ផលិតផលខ្មែរទទួលបានការគាំទ្រយ៉ាងខ្លាំងពីសំណាក់អតិថិជន

ថ្ងៃចុះផ្សាយ

នាថ្ងៃពុធ ទី០១ ខែមិថុនា ឆ្នាំ២០២២ ផ្សារទំនើបអ៉ីអនបានទទួលស្វាគមន៍ក្រុមការងារពីសហគ្រិនខ្មែរ ដែលជាដៃគូសហការ និងឧបត្ថម្ភគាំទ្រក្នុងការរៀបចំនូវពិព័រណ៌ផលិតផលខ្មែរនេះឡើង។​ សហគ្រិនខ្មែរ មានការកោតសរសើរយ៉ាងខ្លាំងចំពោះផ្សារទំនើបអ៉ីអនដោយបានសហការរៀបចំពិព័រណ៌នេះទ្បើងដោយជោគជ័យ ក៏ដូចជាការចូលរួមចំណែកយ៉ាងសកម្មក្នុងការលើកកំពស់ទីផ្សារផលិតផលក្នុងស្រុកតាមរយៈពិព័រណ៌នេះ។ នេះជាលើកទី៣​ ហើយដែលសហគ្រិនខ្មែរ និងផ្សារទំនើបអ៉ីអនបានរៀបចំព័រណ៌ផលិតផលខ្មែរនេះឡើង ហើយយើងនៅតែបន្តនឹងរៀបចំកម្មវិធីនេះ បន្តទៀតនៅក្នុងពេលខាងមុខ។

គួររំលឹកផងដែរថាពិព័រណ៌ផលិតផលខ្មែរបានធ្វើទ្បើងក្នុងគោលបំណងផ្សព្វផ្សាយ លើកស្ទួយជីវភាពរស់នៅរបស់កសិករ និងពង្រីកទីផ្សារផលិតផលខ្មែរគ្រប់ប្រភេទឱ្យកាន់តែធំទូលាយ ដែលអាចធ្វើការប្រកួតប្រជែងទាំងក្នុង​ និងក្រៅស្រុក ក៏ដូចជាផ្នែកមួយចូលរួមគាំទ្រដល់ការ អភិវឌ្ឍសេដ្ឋកិច្ចជាតិទាំងមូល។ ពិព័រណ៌នេះបាននាំយកផលិតផលក្នុងស្រុកដែលដាំដុះ និងផលិតតាមស្តង់ដាសុវត្ថិភាព ដោយកសិករមកពីខេត្តកណ្ដាល កំពត ព្រះវិហារ កំពង់ចាម មណ្ឌលគីរី រតនគីរី ​និងខេត្តផ្សេងៗទៀត រួមមានផលិតផលជាច្រើនដូចជា៖ គ្រឿងទេស ទឹកដោះគោស្រស់ នំខ្មែរ ទឹកឃ្មុំ បន្លែ ផ្លែឈើ ស្រស់ អង្ករនិងសម្ភារៈប្រើប្រាស់ជាច្រើនទៀត មកតាំងបង្ហាញក៏ដូចជាបម្រើសេចក្ដីត្រូវការរបស់អតិថិជន។

អំពីផ្សារទំនើបអ៉ីអន 

ផ្សារទំនើបអ៉ីអន (ផ្សារទំនើបលក់ទំនិញទូទៅ) ជាហាងលក់ទំនិញទូទៅឈានមុខគេនៅកម្ពុជាដែលមានលក់ទំនិញ និងសម្ភារៈប្រើប្រាស់ចាំបាច់គ្រប់ប្រភេទរួមមាន ទំនិញបរិភោគ សម្លៀកបំពាក់ សម្ភារៈប្រើប្រាស់ក្នុងផ្ទះ គ្រឿងអេទ្បិចត្រូនិចគ្រប់ប្រភេទជាមួយតម្លៃសមរម្យ សេវាកម្មរួសរាយរាក់ទាក់។ ផ្សារទំនើបអ៉ីអនក៏មាននូវទំនិញ និងហាងឯកទេសដែលជាយីហោផ្ដាច់មុខរបស់ខ្លួនផងដែរដូចជា ហាងឯកទេសសម្ភារៈប្រើប្រាស់ក្នុងផ្ទះ ហូមខរឌី ហាងសម្លៀកបំពាក់ក្នុង និងកីទ្បា បុរស នារី ម៉ាក​អាយស៊ី ហាងសម្ភារៈប្រើប្រាស់សម្រាប់ម្ដាយ កុមារ និងទារក ឃីដស៍​ រីផាប់ប្លិក ឱសថស្ថានអ៉ីអន វែលណេស ហាងនំបុ័ងអ៉ីអន ហាងកង់អ៉ីអន ផលិផផលម៉ាកថប់វែលយូ ជាដើម។

បញ្ជាទិញទំនិញជាច្រើនទៀតតាមរយៈអ៉ីអន អនទ្បាញ ៖ www.aeononlineshopping.com

សម្រាប់ព័ត៌មានបន្ថែម៖
Website: www.aeoncambodia.com
Facebook: AEON Retail Cambodia
Telegram: AEON Retail Cambodia
Instagram: aeon_retail_cambodia
YouTube: AEON Cambodia

អំពីសហគ្រិនខ្មែរ

សហគ្រិនខ្មែរ (KE) ត្រូវបានបង្កើតឡើង ជាស្ថាប័នប្រតិបត្តិករមួយ របស់មូលនិធិអភិវឌ្ឍន៍សហគ្រិនភាព (ម.អ.ស.) ដើម្បីអនុវត្តកម្មវិធីគាំទ្រ និងធ្វើការដោយផ្ទាល់ជាមួយស្ថាប័នដៃគូ និងអត្ថគាហកៈ។ គោលបំណងបស់សហគ្រិនខ្មែរ គឺដើម្បីកៀរគរ, វិនិយោគ និងគ្រប់គ្រងបរធនពីប្រភពស្របច្បាប់ទាំងអស់ ដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ីសហគ្រិនភាពដែលមានភាពរស់រវើក និងផ្តល់ការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុដល់អ្នកកសាងប្រព័ន្ធអេកូឡូស៊ីសហគ្រិនភាព។ អ្នកទាំងនោះរួមមាន សហគ្រិន ធុរកិច្ចបង្កើតថ្មីដែលមានលក្ខណៈនវានុវត្តន៏ (innovative startups), សហគ្រាសធុនតូចនិងមធ្យមដែលមានសក្តានុពល (potential SMEs) និងស្ថាប័នដៃគូ ដែលចូលរួមជំរុញសកម្មភាពសហគ្រិនភាពផ្សេងៗ សំដៅជំរុញនវានុវត្តន៏ (innovation) និងការបង្កើតតម្លៃបន្ថែមនៅក្នុងសេដ្ឋកិច្ចកម្ពុជា។

ព័ត៌មានបន្ថែមអាចរកបាននៅ:

Website:   https://khmerenterprise.info/home
Facebook: https://www.facebook.com/ke.khmerenterprise/
LinkedIn:  https://www.linkedin.com/company/khmer-enterprise/



សូមប្រយ័ត្ន!!! វែបសាយមួយចំនួនប្រើប្រាស់និមិត្តិសញ្ញា (Logo) របស់ក្រុមហ៊ុនអ៉ីអនដោយគ្មានការអនុញ្ញាត

ថ្ងៃចុះផ្សាយ

យើងសូមថ្លែងអំណរគុណចំពោះអតិថិជនគ្រប់រូបដែលបានអញ្ញើញមកជាវទំនិញក្នុងផ្សារទំនើបយើងខ្ញុំ ក៏ដូចជាតែងតែប្រើប្រាស់នូវគេហទំព័រដែលដំណើរការដោយអ៉ីអនគ្រុប។

ក្នុងពេលថ្មីៗនេះ យើងបានរកឃើញថាមានគេហទំព័រមួយចំនួនបានយកនិមិត្តិសញ្ញា (Logo) របស់ក្រុមហ៊ុនអ៉ីអនមកប្រើប្រាស់ដោយគ្មានការអនុញ្ញាត។

កត្តាទាំងនេះអាចធ្វើឲ្យអតិថិជនរបស់យើងមួយចំនួនមានការយល់ច្រទ្បំថាក្រុមហ៊ុនអ៉ីអនកំពុងសហការជាមួយគេហទំព័រទាំងនោះ។

យើងសូមធ្វើការស្នើរសុំ និងណែនាំដល់ក្រុមការងារដែលគ្រប់គ្រងគេហទំព័រទាំងនេះ មេត្តាលុបចោលនូវព័ត៌មាន ផ្សេងៗទាក់ទងនឹងក្រុមហ៊ុនយើងខ្ញុំ និងធ្វើការប្រឹក្សាជាមួយអាជ្ញាធរពាក់ព័ន្ធ។

នេះជាឧទាហរណ៍នៃគេហទំព័រមួយចំនួនដែលបានប្រើប្រាស់និមិត្តសញ្ញា (Logo) របស់ក្រុមហ៊ុនអ៉ីអនដោយពុំមានការអនុញ្ញាត គិតត្រឹមខែឧសភា ឆ្នាំ២០២២។
 
aeonhk.com     ( URL: https://aeonhk.com/ )　 * ទើបបន្ថែមថ្មី
aeon-hk.com    ( URL: https://aeon-hk.com/ ) * ទើបបន្ថែមថ្មី
aeon888.com
aeon.monster
aeon999.com　
aeon777.shop　
aeon55.com

ហាងហូមខរឌីរៀបចំកម្មវិធី សប្ដាហ៍បញ្ចុះតម្លៃ លើកទី៨របស់ខ្លួន

ថ្ងៃចុះផ្សាយ

សប្ដាហ៍បញ្ចុះតម្លៃរបស់ហាង ហូមខរឌី ត្រូវបានរៀបចំទ្បើងរៀងរាល់ ៣ខែម្ដង រយៈពេល៧ដងរួចមកហើយ ចាប់តាំងពីឆ្នាំ២០២០ ដើម្បីផ្ដល់ជូនអតិថិជននូវការបញ្ចុះតម្លៃកាន់តែអស្ចារ្យ រួមជាមួយនឹងឱកាសឈ្នះរង្វាន់ដ៏ច្រើនសន្ធឹកសន្ធាប់ជាច្រើនទៀត។ សប្ដាហ៍បញ្ចុះតម្លៃរបស់ហាង ហូមខរឌី មានរយៈពេល ២សប្ដាហ៍ ចាប់ពីថ្ងៃទី១៧ ដល់​២៩ ឧសភា ឆ្នាំ២០២២ នៅទីតាំងទាំងបីសាខារបស់ហាង ហូមខរឌី នៅផ្សារទំនើបអ៉ីអនភ្នំពេញ ជាន់ទី២ និងផ្សារទំនើបអ៉ីអន សែនសុខ ស៊ីធី ជាន់ទី១ និងនៅក្នុងផ្សារទំនើបអ៉ីអនម៉េកវែលយូ​ ឬស្សីកែវ។

ក្នុងរយៈពេល២សប្ដាហ៍នេះ អតិថិជននឹងមានឱកាសទទួលបាននូវការផ្ដល់ជូនពិសេសៗជាច្រើនដូចជា៖ ការបញ្ចុះតម្លៃរហូតដល់ ២០% (លើទំនិញដែលត្រូវបញ្ចុះតម្លៃ) ការផ្ដល់ជូនពិសេសលើឈុតសាទ្បុង កំរាលត្រជាក់ សម្ភារៈផ្ទះបាយ និងសម្ភារៈប្រើប្រាស់ក្នុងផ្ទះជាច្រើនទៀត។ អតិថិជនក៏អាចរីករាយជាមួយការផ្ដល់ជូនពិសេសជាច្រើនទៀតដូចជា៖

* ឱកាសទទួលបានប័ណ្ណទឹកប្រាក់៥ដុល្លារ រាល់ការជាវទំនិញចាប់ពី ៥០ដុល្លារទ្បើងក្នុង១វិក័យបត្រ (សម្រាប់អតិថិជន ៧០នាក់ ដំបូង)

* ទទួលបានកាដូ (ប្រអប់បាយ) រាល់ការចំនាយចាប់ពី ៣០ដុល្លារទ្បើងក្នុង១វិក័យបត្រ (សម្រាប់អតិថិជន១២០នាក់ដំបូង) ចាប់ពីថ្ងៃទី១៧ ដល់ ២៩ ឧសភា ២០២២

* ទទួលបានការដឹកជញ្ជូនដោយឥតគិតថ្លៃ សម្រាប់អតិថិជនធ្វើការបញ្ជារទិញតាមអនទ្បាញចាប់ពី២០ដុល្លារទ្បើងទៅ (លើកលែងរាជធានីភ្នំពេញ ខេត្តមណ្ឌលគីរី និងស្ទឹងត្រែង)

គួរបញ្ជាក់ផងដែរថា ហូមខរឌី ជាហាងសម្ភារៈប្រើប្រាស់ក្នុងផ្ទះ យីហោផ្ដាច់មុខរបស់អ៉ីអន ដែលមានសម្ភារៈប្រើប្រាស់ក្នុងផ្ទះជាច្រើន ដូចជាសម្ភារៈប្រើប្រាស់សម្រាប់បន្ទប់ទទួលភ្ញៀវ បន្ទប់គេង បន្ទប់ទឹក និងផ្ទះបាយ ជាមួយការរចនាបែបសាមញ្ញ គុណភាពជប៉ុន និងតម្លៃសមរម្យ។ ជាមួយការរចនាដែលមានលក្ខណសមញ្ញ ស្តង់ដារ និងចំណាយពេលខ្លីក្នុងតុបតែង ផលិតផលរបស់ ហូមខរឌី ត្រូវបានផលិតទ្បើងដោយប្រើប្រាស់ពណ៌គោលមួយចំនួនប៉ុណ្ណោះដូចជា ពណ៌ស ខៀវ និងប្រផេះ ដើម្បីផ្សារភ្ជាប់ជាមួយធម្មជាតិ និងជីវិត។ 

ហាង ហូមខរឌី ត្រូវបានគេស្គាល់ច្បាស់ដោយសារមុខងារជាក់លាក់ទាំង៤ របស់ខ្លួនដូចជា៖ ការរចនាបែបសាមញ្ញ គុណភាពស្តង់ដារជប៉ុន មុខងារច្រើន និងអាចប្រើប្រាស់សម្រាប់តុបតែងជាមួយសម្ភារៈប្រើប្រាស់ផ្សេងទៀតបាន។

សម្រាប់អ្នកដែលស្រលាញ់សម្ភារៈប្រើប្រាស់ក្នុងផ្ទះដែលមានរចនាបទបែបសាមញ្ញ គុណភាពខ្ពស់ ហើយមានមុខងារច្រើន និងអាចប្រើសម្រាប់តុបតែងជាមួយសម្ភារៈផ្សេងៗទៀត ហាង ហូមខរឌី ពិតជាជម្រើសដ៏ល្អសម្រាប់អ្នក។

កុំភ្លេចអញ្ជើញមកទទួលយកការផ្ដល់ជូនពិសេសនេះទាំងអស់គ្នា!

បញ្ជាទិញតាមអនទ្បាញ៖ https://marketplace.aeononlineshopping.com/

សម្រាប់ព័ត៌មានបន្ថែម៖
Facebook: https://www.facebook.com/homecoordycambodia

Instagram: https://www.instagram.com/home_coordy_cambodia/

អ៉ីអន ខេមបូឌា បង្កើតសេវាដឹកជញ្ជូនទូទាំងប្រទេសសម្រាប់អាជីវកម្មអនទ្បាញរបស់ខ្លួន

ថ្ងៃចុះផ្សាយ

សេវាកម្មដឹកជញ្ជូនទូទាំងប្រទេសរបស់អ៉ីអន ដាក់ឲ្យដំណើរការជាផ្លូវការនៅថ្ងៃទី០១ ខែឧសភា ឆ្នាំ២០២២ ដោយមានសេវាកម្មដឹកជញ្ជូនទូទាំងប្រទេស លើកលែងតែខេត្តមណ្ឌលគីរី និងខេត្តស្ទឹងត្រែង។

បច្ចុប្បន្នអតិថិជនដែលនៅតាមបណ្ដាខេត្តនានា អាចធ្វើការបញ្ជាទិញទំនិញជាច្រើនប្រភេទពីផ្សារទំនើបអ៉ីអនបានដោយសុវត្ថិភាព និងមានភាពងាយស្រួលដោយពុំចាំបាច់ធ្វើដំណើរមកកាន់ទីតាំងផ្ទាល់ទ្បើយ។ យើងនឹងធ្វើការដឹកជញ្ជូនទំនិញជូនដល់គេហដ្ឋានរបស់អតិថិជនដោយផ្ទាល់នៅថ្ងៃបន្ទាប់។  

យើងនឹងធ្វើការដឹកជញ្ជូនទំនិញជូនដល់អតិថិជនរបស់យើងប្រកបដោយសុវត្ថិភាព និងរហ័ស ដោយមានទំនិញជាច្រើនប្រភេទរហូតដល់​១០ ០០០ មុខ រាប់ចាប់ពីអាហារ សម្លៀកបំពាក់ និងសម្ភារៈប្រើប្រាស់ក្នុងផ្ទះ ដើម្បីបំពេញនូវសេចក្ដីត្រូវការរបស់អតិថិជនគ្រប់រូប។

អតិថិជនគ្រប់រូបក៏អាចរីករាយជាមួយការផ្ដល់ជូនពិសេសផងដែរដោយទទួលបានការដឹកជញ្ជូនដោយឥតគិតថ្លៃ ចាប់ពីថ្ងៃទី០១ ដល់ ៣១ ខែឧសភា។

លោក Tahara Masakiប្រធានគ្រប់គ្រងទូទៅអ៉ីអន អនទ្បាញ បានមានប្រសាសន៍ថា៖ សេវាកម្មដឹកជញ្ជូនទូទាំងប្រទេសគឺជាសម្ធិផលថ្មីមួយទៀតរបស់អ៉ីអនក្នុងការផ្សារភ្ជាប់កម្រិតជីវភាពរស់នៅរបស់ប្រជាជននៅជនបទ និងនៅទីក្រុង។ “យើងមានបំណងនាំយកនូវបទពិសោធថ្មីៗក្នុងការទិញទំនិញទៅកាន់អតិថិជនគ្រប់រូបដែលរស់នៅតាមបណ្ដាខេត្តនានាក្នុងប្រទេសកម្ពុជា ដើម្បីឲ្យពួកគាត់មានអារម្មណ៍ថាពួកគាត់ក៏អាចទិញទំនិញដោយមានភាពងាយស្រួល និងសុវត្ថិភាព” នេះជាការលើកទ្បើងបន្ថែមរបស់លោក Tahara Masaki ប្រធានគ្រប់គ្រងទូទៅអ៉ីអន អនទ្បាញ។ លោកក៏បានបន្ថែមទៀតថា ពិភពលោកកំពុងមានការផ្លាស់ប្ដូរយ៉ាងខ្លាំង ហើយយើងនៅមានចំនុចខ្វះខាតជាច្រើនដែលត្រូវកែលម្អ។ យើងទទួលយកនូវរាល់មតិយោបល់របស់អតិថិជនរបស់យើង និងធ្វើការកែលម្អជាប្រចាំដើម្បីបំពេញតម្រូវការពួកគេ។ យើងមានការសប្បាយរីករាយប្រសិនបើអតិថិជនរបស់យើងភាគច្រើនអាចប្រើប្រាស់សេវាកម្មរបស់យើងកាន់តែមានភាពងាយស្រួលជាងមុន។​

លោក Tahara Masaki ប្រធានគ្រប់គ្រងទូទៅអ៉ីអន អនទ្បាញ

គួររំលឹកផងដែរថា ក្រុមហ៊ុនអ៉ីអន​ ខេមបូឌា បានបង្កើតអាជីវកម្មអនទ្បាញរបស់ខ្លួនដោយមានឈ្មោះថា “AEON Online” នៅក្នុងឆ្នាំ ២០១៩ ស្របពេលមានការរីកចម្រើនយ៉ាងខ្លាំងនៃទីផ្សារអាជីវកម្មអនទ្បាញលើពិភពលោក ក៏ដូចជាការរីកចម្រើនគួរឲ្យកត់សម្គាល់នៃបច្ចេកវិទ្យានៅលើទីផ្សាររបស់ប្រទេសកម្ពុជា។

លើសពីនេះទៅទៀត យើងទទួលបានការគាំទ្រយ៉ាងពេញទំហឹងពីសំណាក់អតិថិជនរបស់យើងដោយសារបទពិសោធន៍ក្នុងការជាវទំនិញអនទ្បាញប្រកបដោយភាពងាយស្រួល សុវត្ថិភាព និងសេវាកម្មរហ័សទាន់ចិត្ត។

គួរបញ្ជាក់ផងដែរថា ដោយសារកត្តាការរីកចម្រើននៃជីវភាពរស់នៅក្នុងពេលបច្ចុប្បន្នកាន់តែមានភាពទំនើបក្នុងបរិយាកាសនៃជំងឺឆ្លង រួមទាំងការរីកចម្រើនយ៉ាងខ្លាំងនៃបច្ចេកវិទ្យា និងសេវាអ៊ីនធឺណែតគ្របដណ្ដប់ទូទាំងប្រទេស បានជម្រុញឲ្យអ៊ីអន ពង្រឹង និងពង្រីកបន្ថែមនូវសេវាកម្មរបស់ខ្លួនដែលអាចមានវិសាលភាពដឹកជញ្ជូនទូទាំងប្រទេស។

អតិថិជនអាចធ្វើការបញ្ជាទិញទំនិញជាច្រើនមុខតាមរយៈ ៖ www.aeononlineshopping.com

សម្រាប់ព័ត៌មានបន្ថែម៖

ហ្វេសប៊ុកផេក៖ AEON Online Cambodia

អ៉ីម៉ែល៖​ [email protected]
ទូរស័ព្ទ៖ +855 81/86 760 761

ផ្សារទំនើប អ៉ីអន បន្តអនុវត្តវិធានការ ការពារជំងឺកូវីត ១៩ យ៉ាងតឹងរឹងចំពោះអតិថិជន និងបុគ្គលិករបស់ខ្លួន

ថ្ងៃចុះផ្សាយ

ដោយសារតែស្ថានភាព និងចំនួនអ្នកឆ្លងជំងឺ កូវីត១៩ នៅតែមានការកើនទ្បើងនៅលើពិភពលោក ក៏ដូចជាក្នុងប្រទេស ក្រុមហ៊ុនអ៉ីអន ខេមបូឌា ខូអិលធីឌី ដែលគេស្គាល់ថាជាផ្សារទំនើប លក់រាយ នៅតែបន្តអនុវត្តវិធានការការពារជំងឺកូវីត ១៩ ដែលដាក់ចេញដោយក្រសួងសុខាភិបាល យ៉ាងតឹងរឹង ចំពោះអតិថិជន និងបុគ្គលិករបស់ខ្លួន។

“យើងបាននឹងកំពុងធ្វើការយ៉ាងជិតស្និតជាមួយគ្រប់ភាគី ពាក់ព័ន្ធ ដើម្បីធានាសុវត្ថិភាពរបស់អតិថិជន និងបុគ្គលិករបស់យើង។ គ្រប់អតិថិជន និងបុគ្កលិកទាំងអស់ត្រូវតែពាក់ម៉ាស់ ជាមុនសិនមុននឹងអនុញ្ញាតឲ្យចូលបរិវេនផ្សារទំនើប។ បន្ថែមពីនេះ នៅគ្រប់បរិវេនផ្សារទំនើបរបស់យើង បានអនុវត្តវិធានការការពារជំងឺកូវីត ១៩ ដែលដាក់ចេញដោយក្រសួងសុខាភិបាល យ៉ាងម៉ត់ចត់បំផុត ដូចជាការដាក់ម៉ាស៊ីន វាស់កម្ដៅ នៅច្រកចេញចូល នីមួយៗ ការផ្ដល់អាល់កុល ឬជែលលាងដៃ នៅគ្រប់កន្លែងសំខាន់ៗក្នុងផ្សារទំនើប ការរៀបចំការរក្សារគម្លាតសង្គមនៅកន្លែងដែលមានមនុស្សច្រើន ជាដើម” នេះជាការលើកទ្បើងរបស់លោក Keiji Ono នាយកប្រតិបត្តិក្រុមហ៊ុន អ៉ីអន ខេមបូឌា ខូអិលធីឌី។

“នៅពេលមានអតិថិជនច្រើន បុគ្គលិករបស់យើងបានណែនាំពួកគាត់ឲ្យឈរជាជួរ និងរក្សារគម្លាតសុវត្ថិភាពផងដែរ” លោកស្រី យឹម សុផល្លី ប្រធានគ្រប់គ្រងផ្សារទំនើប អ៉ីអន ភ្នំពេញ បានបន្ថែម។

សុវត្ថិភាព និងភាពងាយស្រួលរបស់អតិថិជន គឺជាបញ្ហាចម្បងដែលក្រុមហ៊ុនតែងតែគិតគូ។ អាស្រ័យហេតុនេះ យើងបានណែនាំនូវរបៀបទិញទំនិញតាម អ៉ីអន អនទ្បាញ ទៅកាន់អតិថិជនរបស់យើងកាន់តែទូលំទូលាយជាងមុន។​ “ខ្ញុំសូមលើកទឹកចិត្តដល់អតិថិជនគ្រប់រូប ធ្វើការបញ្ជាទិញទំនិញតាមរយៈ អ៉ីអន អនទ្បាញ ដោយវាមានភាពងាយស្រួល និងសុវត្ថិភាព។ ម៉្យាងទៀត តាមរយៈ អ៉ីអន អនទ្បាញ អតិថិជនអាចទិញទំនិញរហូតដល់ ២០ ០០០ មុខ លើផ្នែកផ្សេងៗគ្នាជាច្រើនដូចជា សម្លៀកបំពាក់ សម្ភារៈប្រើប្រាស់ក្នុងផ្ទះ ភេសជ្ជៈ អាហារ គ្រឿអេទ្បិចត្រូនិច និងសម្ភារៈជាច្រើនមុខទៀត​ ដែលអាចបំពេញតម្រូវការរបស់អតិថិជន ជាមួយសេវាកម្មដឹកជញ្ជូនយ៉ាងឆាប់រហ័ស និងតម្លៃសមរម្យ” នេះជាការបញ្ជាក់បន្ថែមរបស់ កញ្ញា សេង រ័ត្នធានី ប្រធានផ្នែកគ្រប់គ្រងទូទៅ អាជីវកម្មអនទ្បាញ។

បញ្ជាទិញទំនិញតាមរយៈ អ៉ីអន អនទ្បាញឥលូវនេះ៖ https://aeononlineshopping.com/

ថែរក្សារអនាម័យ ដើម្បីសុវត្ថិភាពយើងទាំងអស់គ្នា!

អង្គការក្នុងស្រុកចំនួន២៤ បានទទួលអំណោយពីយុទ្ធនាការវិក្កយបត្រពណ៌លឿងរបស់ផ្សារទំនើប AEON

ថ្ងៃចុះផ្សាយ

ផ្សារទំនើប AEON បានប្រារព្ធពិធីប្រគល់អំណោយជាទឹកប្រាក់ជិត ៧ ពាន់ដុល្លារ ដល់អង្គការសមាគមន៍ក្នុងស្រុកចំនួន ២៤ ដែលបានមកពីយុទ្ធនាការវិក្កយបត្រពណ៌លឿងរបស់ខ្លួនក្នុងឆ្នាំ២០២១​ ។ កម្មវិធីនេះធ្វើទ្បើងកាលពីថ្ងៃទី១១ ខែមករា ឆ្នាំ២០២២ កន្លងទៅថ្មីៗនេះ ដោយមានការចូលរួមពីអង្គការសមាគមន៍ទាំង ២៤ រួមមាន អង្គការ ធម្មជាតិសង្រ្គោះកម្ពុជា អង្គការ ប៉ាសឺរ៉ែល នុយមេរិក កម្ពុជា អង្គការ ស៊ីប៉ា អង្គការ មិត្តសំឡាញ់ អង្គការ មូលនិធិកុមារ និង និស្សិតកម្ពុជា  ​អង្គការ​ កុមារកម្ពុជា​ប្រឆាំង ទុរភិក្ស និង ​ហិង្សា សមាគមន៏អភិវឌ្ឍន៏គ្រួសារពលី និង​ កុមារកំព្រា  អង្គការ ក្ដីសង្ឃឹមនៃកុមារ អង្គការ នាំអនាគតទៅមុខ  ​អង្គការ ហ្រ្វេន្សអ៊ីនធឺណាសិនណល  អង្គការ​ បំបាត់ការឈឺចាប់គ្មានព្រំដែន មណ្ឌល កុមារដើម្បីសុភមង្គល អង្គការ ពន្លឺអនាគត អង្គការ អិនភីអូ សុបិន្ត​ស្រ្តី ប្រូជីក អង្គការ មូលនិធិកុមារកម្ពុជា មូលនិធិ ដុនបូស្កូ កម្ពុជា ​ អង្គការ ចិត្ដសង្គមអន្ដរវប្បធម៌ អង្គការ​ អ៊ី ណូដូ វិថីឆ្ពោះទៅកាន់សាលារៀន  មជ្ឈមណ្ឌលអាស៊ីសិក្សាស្រាវជ្រាវ និង បណ្ដុះបណ្ដាលធនធានមនុស្សនៃសកលវិឡាល័យសូហ្វីយ៉ា អង្គការ បណ្តុះបណ្តាលកុមារកំព្រា យុវជនពិការ និងស្រ្តីក្រីក្រ មជ្ឈមណ្ឌលព្យាបាលកុមារ បេះដូងជប៉ុន អង្គការស្នាមញញឹមកម្ពុជា និងមូលនិធិគាំទ្រការអប់រំអន្តរជាតិកម្ពុជា។

គួររំលឹកផងដែរថា យុទ្ធនាការវិក្កយបត្រពណ៌លឿង របស់ផ្សារទំនើប AEON ត្រូវបានធ្វើទ្បើងជារៀងរាល់ថ្ងៃទី១១ នៃខែនីមួយៗ។ អតិថិជនដែលអញ្ជើញមកជាវទំនិញនៅក្នុងផ្សារទំនើប AEON នៅថ្ងៃទី១១ នឹងទទួលបានវិក្កយបត្រពណ៌លឿង បន្ទាប់មកអតិថិជនអាចយកវិក្កយបត្រនោះទៅដាក់ក្នុងប្រអប់ យុទ្ធនាការវិក្កយបត្រពណ៌លឿងដែលមានឈ្មោះអង្គការដែលខ្លួនពេញចិត្ត នៅជិតបញ្ជរសេវាអតិថិជន។ ផ្សារទំនើប AEON នឹងឧបត្ថម្ភ ១% នៃទឹកប្រាក់សរុបដែលអតិថិជនបានជាវ ឲ្យទៅអង្គការ សមាគមន៍នៅក្នុងស្រុកទៅតាមចំនួនវិក្កយបត្រជាក់ស្ដែង។

លោក Seko Tsugutoshi នាយកគ្រប់គ្រងក្រុមហ៊ុនអ៉ីអន ខេមបូឌា បានមានប្រសាសន៍ថា៖ យុទ្ធនាការវិក្កយបត្រពណ៌លឿងនេះ មានគោលបំណងបង្កើនការចូលរួមរបស់អតិថិជនក្នុងកិច្ចការសប្បុរសធ៌ម និងបណ្ដុះនូវវប្បធ៌មនៃការចែករំលែកនៅក្នុងសង្គម។ លោកក៏បានគូសបញ្ជាក់ផងដែរថា យុទ្ធនាការវិក្កយបត្រពណ៌លឿងបានចាប់ផ្ដើមដំបូងនៅឆ្នាំ ២០១៦ ជាមួយអង្គការតែ ៧ប៉ុណ្ណោះ ហើយរហូតដល់ពេលបច្ចុប្បន្ន យើងបានធ្វើការសហការ និងផ្ដល់អំណោយ ដែលបានមកពីយុទ្ធនាការនេះ ដល់អង្គការផ្សេងៗគ្នាចំនួនរហូតដល់ ២៤ អង្គការ។ យុទ្ធនាការនេះ មានលក្ខណៈសមស្របទៅតាម គោលការណ៍របស់ អ៉ីអន ដែលមិនត្រឹមតែគិតគូរ ពីជំនួញរបស់ខ្លួនទេ តែថែមទាំងយកចិត្តទុកដាក់ខ្ពស់ក្នុងការចូលរួម និងកាត់បន្ថយបញ្ហាសង្គមនានា ផងដែរ។ លោកសង្ឃឹមយ៉ាងមុតមាំថា តាមរយៈយុទ្ធនាការនេះ អ៉ីអន នឹងចូលរួមចំណែកក្នុងកិច្ចការសង្គមកាន់តែច្រើនជាងមុន ទាំងនៅពេលបច្ចុប្បន្ន និងពេលអនាគត ទន្ទឹមនឹងការរីកចម្រើននៃមុខជំនួញរបស់ខ្លួន។

លោក Seko Tsugutoshi នាយកគ្រប់គ្រងក្រុមហ៊ុនអ៉ីអន ខេមបូឌា

លោក​ ភួង តុលា តំណាងអង្គការមិត្តសំឡាញ់ បានលើកទ្បើងផងដែរថា អង្គការមិត្តសំទ្បាញ់បានចូលរួមជាមួយយុទ្ធនាការវិកយបត្រពណ៌លឿងរបស់ផ្សារទំនើបអ៉ីអន អស់រយៈពេល៦ឆ្នាំកន្លងមកហើយ ពោលគឺចាប់តាំងពីយុទ្ធនាការនេះបង្កើតទ្បើងដំបូង។ លោកក៏បានឆ្លៀតឱកាសនេះថ្លែងអំណរគុណដល់ ក្រុមហ៊ុនអ៉ីអន ខេមបូឌា ដែលបានយកចិត្តទុកដាក់ជួយគាំទ្រសកម្មភាពរបស់អង្គការមិត្តសំទ្បាញ់កន្លងមកក៏ដូចជាគាំទ្រលើការងារសង្គមរបស់វិស័យអាជីវកម្ម ដែលកិច្ចសហការនេះមិនអាចខ្វះបាន។

លោក​ ភួង តុលា តំណាងអង្គការមិត្តសំឡាញ់

គាំទ្រយុទ្ធនាការវិក្កយបត្រពណ៌លឿង របស់ផ្សារទំនើប អ៉ីអន ដើម្បីសហគមន៍របស់យើងទាំងអស់គ្នា!

អបអរសារទ​រ​ហាង  DAISO ជប៉ុន សម្រាប់ការបើកសម្ភោធសាខាទី៥ នៅ ផ្សារK-Mall ផ្លូវវេងស្រេង

ថ្ងៃចុះផ្សាយ

នៅថ្ងៃទី០៥ ខែ​វិច្ឆិកា ឆ្នាំ២០២១ ហាងលក់សម្ភារៈប្រើប្រាស់ចំរុះគ្រប់ប្រភេទ​​DAISO ដែលជាយីហោរបស់ជប៉ុនមួយនេះបានបើកសម្ភោធជាផ្លូវការសាខាទី៥ របស់ខ្លួននៅផ្សារ K Mall ផ្លូវវេងស្រេង រាជធានីភ្នំពេញ។ ក្នុងឱកាសបើកដំណើរសាខាថ្មីនេះផងដែរ អតិថិជននឹងទទួលបានប័ណ្ណទឹកប្រាក់ចំនួន៥ដុល្លារ ផងដែរ (សម្រាប់អតិថិជន១៥០នាក់ដំបូង) រាល់ការជាវទំនិញក្នុងហាងចាប់ពី៥មុខទ្បើងទៅ។

គួរបញ្ជាក់ផងដែរថា សាខាទី៥ DAISO ជប៉ុនដែរមានសម្ភារៈប្រើប្រាស់ចំរុះគ្រប់ប្រភេទតម្លៃត្រឹមតែ១.៩ដុល្លារ នេះមានទំហំធំទូលាយ មានការរចនាទំនើបទាន់សម័យ និងមានទំនិញយ៉ាងច្រើនសម្បូរបែប ពិសេសទំនិញប្រើប្រាស់របស់ជប៉ុន សម្ភារៈផ្ទះបាយ ការិយាល័យ សម្ភារៈតុបតែងលម្អ និងសម្ភារៈប្រើប្រាស់ជាច្រើនទៀត នេះជាការលើកទ្បើងរបស់លោក Hiroki Tsukahara ដែលជានាយកគ្រប់គ្រងទូទៅរបស់ហាង​​ DAISO ជប៉ុនផ្ទាល់ ។

តាមរយៈការបើកដំណើរការសាខាថ្មីនេះផងដែរ លោក  Hiroki Tsukahara មានសង្ឃឹមយ៉ាងមុតមាំថា DAISO ជប៉ុន  នឹងអាចចូលរួមចំណែកក្នុងការលើកកម្ពស់ ការរស់នៅរបស់ អតិថិជនក្នុងតំបន់​​ទាំងមូល​ ក៏ដូចជាតំបន់ក្បែរៗនោះផងដែរ តាមរយៈការផ្ដល់នូវផលិតផលដែលមានគុណភាពខ្ពស់ ស្ដង់ដា ប្រកបដោយសេវាកម្មល្អ បុគ្គលិករួសរាយរាក់ទាក់ជូនអតិថិជនគ្រប់ៗរូប ។

គួររំលឹកផងដែរថា រហូតមកដល់ពេលនេះហាងលក់សម្ភារៈប្រើប្រាស់ចំរុះគ្រប់ប្រភេទយីហោDAISOជប៉ុននេះ បានបើកដំណើរការបាន៥សាខារួចមក ហើយដែលសាខានីមួយៗមានទីតាំងដូចខាងក្រាម៖
សាខាទី១៖ ស្ថិតនៅផ្សារទំនើបអ៉ីអន ម៉លភ្នំពេញ ជាន់ទី១ (ផ្លូវសុធារស សង្កាត់ទន្លេបាសាក់ ខណ្ឌចំការមន ភ្នំពេញ)
https://goo.gl/maps/Uh7ZUbyHEsgRHZiNA
សាខាទី២៖ ស្ថិតនៅផ្សារទំនើបអ៉ីអន ម៉លសែនសុខ ស៊ីធី ជាន់ទី១ (ភូមិកាកាប សង្កាត់ភ្នំពេញថ្មី ខណ្ឌសែនសុខ ភ្នំពេញ)
https://goo.gl/maps/SeoT2pia9xqhRPvd7
សាខាទី៣៖ ស្ថិតនៅផ្សារទំនើបអ៉ីអន ម៉េកវែលយូ ឬស្សីកែវ (ផ្លូវ៥៩៨ បុរីប៉េងហួត ស្តាព្រីមៀ ខណ្ឌឬស្សីកែវ ភ្នំពេញ)
https://goo.gl/maps/7zLnDpab5zYS4rYA9
សាខាទី៤៖ ស្ថិនៅផ្សារទំនើបអ៉ីអនម៉េកវែលយូ ទួលគោក (ផ្លូវ៣១៥ សង្កាត់បឹកកក់២ ខណ្ឌទួលគោក ភ្នំពេញ)
https://goo.gl/maps/HkUbMjFokWjSMPzr5
សាខាទី៥៖​ ស្ថិតនៅផ្សារទំនើប ខេ ម៉ល (មហាវិថីវេងស្រេង ភ្នំពេញ)
https://maps.app.goo.gl/mH2WxHYd2LahDy469


អតិថិជនដែលចង់បានសម្ភារៈប្រើប្រាស់គ្រប់ប្រភេទដ៏ច្រើនសម្បូរបែប ជាមួយតម្លៃត្រឹមតែ ១.៩ដុល្លារកុំភ្លេចមកហាង DAISO ជប៉ុន សាខាណាមួយដែលនៅជិតលោកអ្នក។

ហាង DAISO Japan រងចាំទទួលស្វាគមន៍អតិថិជនគ្រប់រូបយ៉ាងកក់ក្ដៅបំផុត។​​ ​សូមអេរគុណ!

More info:
Phone: 096 454 5764
Email: [email protected]

Link: http://plus.freshnewsasia.com/index.php/en/freshnewsplus/218774-2021-11-05-07-20-23.html

ស្វាគមន៍ការដាក់ដំណើរការនូវការរចនាថ្មីរបស់គេហទំព័រផ្សារអ៉ីអនអនទ្បាញ

ថ្ងៃចុះផ្សាយ

ស្របតាមបរិបទថ្មីដោយមានកំណើននូវតម្រូវការ និងការគាំទ្រកាន់តែច្រើនទ្បើងពីអតិថិជនលើការបញ្ជាទិញតាមរយៈអនទ្បាញ ផ្សារអ៉ីអនអនទ្បាញ បានរចនាគេហទំព័រថ្មី ដែលនឹងដាក់ដំណើរការឲ្យប្រើប្រាស់នៅថ្ងៃទី១០ ខែតុលា ឆ្នាំ២០២១ នេះ ដើម្បីជួយសម្រួលដល់អតិថិជនឲ្យកាន់តែមានភាពងាយស្រួលក្នុងការជាវទំនិញរាប់ម៉ឺនមុខដែលមាននៅលើគេហទំព័រមួយនេះ។

ក្នុងឱកាសដាក់ឲ្យប្រើប្រាស់ជាផ្លូវការគេហទំព័រថ្មីនេះ អតិថិជននឹងទទួលបានការផ្ដល់ជូនពិសេសៗជាច្រើន​ដូចជា៖ ការដឹកជញ្ជូនដោយឥតគិតថ្លៃ និងឆាប់រហ័ស រាល់ការចំនាយចាប់ពី២០ដុល្លារទ្បើង ដោយគ្រាន់តែបញ្ចូលប្រូម៉ូកូដ (AEONMARKETPLACE)  ដែលមានតម្លៃស្មើរនឹង៣ដុល្លារ នៅពេលបញ្ជាទិញជាការស្រេច។ ដោយទ្បែកគេហទំព័រថ្មីនេះក៏ជាកន្លែងមួយដែលអនុញ្ញាតឲ្យដៃគូសហការ ឬក្រុមហ៊ុនផ្សេងៗអាចដាក់លក់ផលិតផល ក៏ដូចជាសេវាកម្មរបស់ខ្លួន បានផងដែរ។

លើសពីនេះទៅទៀតអតិថិជនក៏ទទួលបានការបញ្ចុះតម្លៃលើទំនិញជាច្រើនផងដែរ ជាពិសេសទំនិញប្រើប្រាស់ប្រចាំថ្ងៃនិងសម្ភារៈប្រើប្រាស់ដែលជាយីហោផ្ដាច់មុខរបស់អ៉ីអន ដូចជាផលិតផលពីហាងហូមខរឌី អាយស៊ី និងផលិតផលម៉ាកថប់វែលយូ ជាដើម។

អ្វីដែលគួរឲ្យកត់សំគាល់លើគេហទំព័រនេះគឺ គេហទំព័រថ្មីមួយនេះត្រូវបានអភិវឌ្ឍតាមបច្ចេកវិទ្យាចុងក្រោយជាមួយល្បឿនលឿនជាងមុន មានសុវត្ថិភាព និងបានបន្ថែមនូវមុខទំនិញច្រើនជាងមុនស្របតាមតម្រូវការរបស់អតិថិជន ជាមួយរូបភាពផលិតផលច្បាស់ៗ ងាយស្រួលមើល និងងាយស្វែងរក។

គួររំលឹកផងដែរថា ផ្សារអ៉ីអនអនទ្បាញត្រូវបានបង្កើតទ្បើងតាំងពីឆ្នាំ (២០១៩) ដោយក្រុមហ៊ុនអ៉ីអន ខេមបូឌា ។ បច្ចុប្បន្នផ្សារអ៉ីអនអនទ្បាញបាននឹងកំពុងអភិវឌ្ឍវិសាលភាពរបស់ខ្លួនជាបន្ដទៀត តាមរយៈការដាក់ឲ្យប្រើប្រាស់គេហទំព័រថ្មីនេះ ក៏ដូចជាការបង្កើត App ផ្ទាល់ខ្លួននៅពេលឆាប់ៗខាងមុខនេះ ដើម្បីឲ្យអតិថិជនកាន់តែមានភាពងាយស្រួលបន្ថែមទៀតក្នុងការជាវទំនិញរាប់ម៉ឺនមុខក្នុងផ្សារទំនើបអ៉ីអន។

អតិថិជនអាចចូលទៅកាន់គេហទំព័រថ្មីនេះតាមរយៈ ៖ www.aeononlineshopping.com

សម្រាប់ព័ត៌មានបន្ថែម៖
លេខទូរស័ព្ទ៖​ 081760761
អ៊ីម៉ែល៖ [email protected]

ការបរិច្ចាគជំនួយថវិកា គាំទ្រដល់យុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់រាជរដ្ឋាភិបាលកម្ពុជា

ថ្ងៃចុះផ្សាយ

ដើម្បីជាផ្នែកមួយនៃកិច្ចខិតខំប្រឹងប្រែងរបស់ខ្លួន ក្នុងគោលបំណងទប់ស្កាត់ការឆ្លងរីករាលដាលនៃជំងឺកូវីដ១៩ និងធានា “សុវត្ថិភាពនិងសន្តិសុខ” ជូនប្រជាជនគ្រប់រូប នៅក្នុងសហគមន៍ នៃប្រទេសកម្ពុជា ក្រុមហ៊ុន​ចំនួន៤ នៃអ៉ីអនគ្រុបជប៉ុន ដែល​កំពុង​ប្រតិបត្ដិការនៅប្រទេសកម្ពុជា រួម​មាន​ ក្រុមហ៊ុនអ៉ីអន (ខេមបូឌា) ខូអិលធីឌី ក្រុមហ៊ុនអ៉ីអនម៉ល (ខេមបូឌា) ខូអិលធីឌី ធនាគារឯកទេស  អ៉ីអន (ខេមបូឌា) ភីអិលស៊ី និង ក្រុមហ៊ុនអ៉ីអន ឌីឡៃថ៍ (វៀតណាម) ខមភេនី លីមីធីត បានផ្តល់ជំនួយជាថវិកា សរុបចំនួន 50 លានយ៉េន (ប្រមាណ 454.545 ដុល្លាសហរដ្ឋអាមេរិក) ដល់រាជរដ្ឋាភិបាលកម្ពុជា ដើម្បីគាំទ្រដល់យុទ្ធនាការចាក់វ៉ាក់សាំងបង្ការជំងឺកូវីដ១៩ ។

ក្រុមហ៊ុន​អ៉ីអនគ្រុបជប៉ុន បានប្រកាសបរិច្ចាគថវិកាសរុបចំនួន ៣៥០ លាន​យ៉េនដល់រដ្ឋាភិបាលនៃប្រទេសមួយចំនួនជាសមាជិកអាស៊ានរួមមានប្រទេសម៉ាឡេស៊ី ប្រទេសវៀតណាម ប្រទេសឥណ្ឌូនេស៊ី ប្រទេសថៃ និងប្រទេសកម្ពុជា ដើម្បីជំរុញយុទ្ធនាការចាក់វ៉ាក់សាំងបង្ការជំងឺកូវីដ-១៩ ដែលជាផ្នែកមួយនៃកិច្ចខិតខំប្រឹងប្រែងរបស់ខ្លួន ក្នុងគោលបំណង ទប់ស្កាត់ការឆ្លងរាលដាលនៃជំងឺកូវីដ-១៩ នេះផងដែរ។

ថ្វីត្បិតតែប្រទេសកម្ពុជាចាក់វ៉ាក់សាំងបង្ការជំងឺកូវីដ-១៩ ជូន​ប្រជាពលរដ្ឋរបស់​ខ្លួន​បានច្រើនបើប្រៀប​ធៀបទៅនឹង​ប្រទេសដែល​ជាសមាជិកអាស៊ានដទៃទៀតក៏ដោយ ក៏ប៉ុន្តែការរីករាលដាលនៅតែកំពុងបន្តនៅឡើយ។ គោលបំណងនៃការបរិច្ចាគនេះ គឺដើម្បីប្រើប្រាស់  ក្នុងការជំរុញ ពន្លឿន យុទ្ធនាការចាក់វ៉ាក់សាំង របស់រាជរដ្ឋាភិបាលកម្ពុជា ក្នុង​ការគ្រប់គ្រងការឆ្លងរីករាលដាល និងស្តារសេដ្ឋកិច្ចរបស់ប្រទេសឡើងវិញ។

ការបរិច្ចាគដល់រាជរដ្ឋាភិបាលកម្ពុជានេះ រួមមានការចូលរួមវិភាគទានពីក្រុមហ៊ុន អ៉ីអនគ្រុបជប៉ុន ដែលមានដូចជា AEON Co., Ltd., AEON MALL Co., Ltd., AEON Financial Services Co., Ltd., AEON Delight Co., Ltd., និងមកពី AEON 1% Club Foundation ។

ឈរលើគោលការណ៍មូលដ្ឋាន “ស្វែងរកសន្តិភាព គោរពមនុស្សជាតិ និងចូលរួមចំណែកដល់សហគមន៍មូលដ្ឋាន ដោយតែងតែ ស្ថិតនៅជាមួយទស្សនៈស្នូល អតិថិជនជាចម្បង” ក្រុមហ៊ុន អ៉ីអនគ្រុប នឹងបន្តខិតខំប្រឹងប្រែងរួមគ្នា ដើម្បីបញ្ចប់ការរីករាលដាលនៃជំងឺកូវីដ-១៩ ឱ្យបានឆាប់តាមដែលអាចធ្វើទៅបាន ដើម្បីស្តារ សន្តិសុខនិងសន្តិភាព ឡើងវិញនៅក្នុងការរស់នៅប្រចាំថ្ងៃរបស់សហគមន៍មូលដ្ឋាន។

ព័ត៌មានបន្ថែម　
ចំនួនហាង និងគ្រឹះស្ថានអាជីវកម្ម ក្នុងប្រទេសនីមួយៗ ដែលទទូលជំនួយថវិកា
(គិតត្រឹម ចុងខែកុម្ភៈ ឆ្នាំ២០២១)

ក្រុមហ៊ុន AEON Delight Co., Ltd. មានការិយាល័យសរុបចំនួន ១៤ ក្នុងនោះរួមមាន ១ នៅប្រទេសម៉ាឡេស៊ី ២ នៅប្រទេសវៀតណាម ១០ នៅប្រទេសឥណ្ឌូនេស៊ី និង ១ នៅប្រទេសកម្ពុជា។

GMS: ហាងលក់ទំនិញរាយទូទៅ (General Merchandise Store)

SM: ផ្សារទំនើប (Supermarket)

DS: ផ្សារលក់បញ្ចុះតម្លៃ (Discount Store)

ផ្សារទំនើបអ៉ីអន ប្រកាសដាក់ឲ្យប្រើប្រាស់ថង់ប្លាស្ទិកដែលអាចពុកផុយក្នុងបរិស្ថាន មុនដំបូងគេនៅកម្ពុជា

ថ្ងៃចុះផ្សាយ

ដើម្បីចូលរួមចំណែកកាត់បន្ថយប្លាស្ទិក និងការពារបរិស្ថាន ក្រុមហ៊ុនអ៉ីអនខេមបូឌា បានធ្វើការផ្លាស់ប្តូរ និងសម្រេចដាក់អោយប្រើប្រាស់ថង់ប្លាស្ទិកដែលអាចពុកផុយទៅក្នុងបរិស្ថាននៅបញ្ជរបង់ប្រាក់ គ្រប់ទីតាំងផ្សារទំនើបអ៉ីអនទាំងអស់។

ថង់ប្លាស្ទិកដែលគិតទៅដល់បរិស្ថាននេះ គឺត្រូវបានផលិតឡើងផ្អែកទៅលើបច្ចេកវិទ្យាងាយពុកផុយហើយចុងក្រោយ វានឹងពុកផុយទៅក្នុងវត្តមាននៃអុកស៊ីសែន មីក្រូសរីរាង្គ សំណើម និងដី ជាពិសេសវាមានសុវត្ថិភាព និងអាចប្រើប្រាស់ទ្បើងវិញបានផងដែរ។ គួរបញ្ជាក់ផងដែរថា ផ្សារទំនើបអ៉ីអន ក៏នៅតែលើកទឹកចិត្ត និងអំពាវនាវដល់អតិថិជនដែលអញ្ជើញមកជាវទំនិញក្នុងផ្សារទំនើប អោយចូលរួមចំណែកការពារបរិស្ថានដោយប្រើប្រាស់ថង់បរិស្ថាន​ ក៏ដូចជាប្រើថង់ប្លាស្ទិកដែលអាចពុកផុយក្នុងបរិស្ថាននេះឡើងវិញ ដោយព្យាយាមកាត់បន្ថយការប្រើប្រាស់ប្លាស្ទិកអោយបានតិចបំផុតតាមតែអាចធ្វើទៅបាន ដើម្បីថែរក្សាការពារបរិស្ថានរបស់យើង។ ថង់ប្លាស្ទិកដែលអាចពុកផុយក្នុងបរិស្ថាននេះ នឹងដាក់ឲ្យប្រើប្រាស់ជាផ្លូវការនៅថ្ងៃទី១១​ ខែមករា ឆ្នាំ២០២១ ខាងមុខនេះ នៅផ្សារទំនើបអ៉ីអន ទាំង២ សាខា (ផ្សារទំនើបអ៉ីអន ភ្នំពេញ និងផ្សារទំនើបអ៉ីអន សែនសុខ ស៊ីធី) ព្រមទាំងគ្រប់សាខាទាំងអស់របស់ផ្សារទំនើប អ៉ីអន ម៉ាក់វ៉ាល់យូ ផងដែរ។

លោក Keiji Ono នាយកគ្រប់គ្រងទូទៅ ផ្សារទំនើបអ៉ីអន បានមានប្រសាសន៍ថា៖ បញ្ហាបរិស្ថាន ជាបញ្ហារបស់យើងទាំងអស់គ្នា ដែលទាមទារឲ្យមានការចូលរួមពីគ្រប់ភាគីពាក់ព័ន្ធ។ ដោយទ្បែកផ្សារទំនើប អ៉ីអន បាននឹងកំពុងចូលរួមយ៉ាងសកម្ម ក្នុងសកម្មភាពការពារបរិស្ថាន ជាក់ស្ដែងយុទ្ធនាការនៃការដាក់ឲ្យប្រើប្រាស់ថង់បរិស្ថាន ក៏ដូចជាថង់ប្លាស្ទិកដែលអាចពុកផុយក្នុងបរិស្ថាន ជាឧទាហណ៍ស្រាប់។ លោកបានបន្ថែមទៀតថា៖ តាមរយៈការដាក់ឲ្យប្រើប្រាស់ ថង់ប្លាស្ទិកដែលអាចពុកផុយក្នុងបរិស្ថាននេះ វានឹងដើរតួរយ៉ាងសំខាន់ក្នុងការបញ្ច្រៀបសារ ស្ដីពីបរិស្ថានទៅកាន់អតិថិជន និងសាធារណជនទូទៅ។​ លើសពីនេះ លោកក៏បានអំពាវនាវ និងលើកទឹកចិត្តដល់អតិថិជនដែលអញ្ជើញមកជាវទំនិញនៅផ្សារទំនើប អ៉ីអន ងាកមកប្រើប្រាស់ថង់បរិស្ថាន ឬថង់ប្លាស្ទិកដែលអាចពុកផុយក្នុងបរិស្ថាននេះជំនួសឲ្យការប្រើប្រាស់ថង់ប្លាស្ទិក ធម្មតាវិញ និងចូលរួមកាត់បន្ថយការប្រើប្រាស់ទាំងអស់គ្នា។

គួររំលឹកផងដែរថា ផ្សារទំនើបអ៉ីអន (ផ្សារលក់ទំនិញទូទៅ) ត្រូវបានបង្កើតទ្បើងដោយក្រុមហ៊ុន AEON (Cambodia)​ Co., Ltd ដែលកំពុងធ្វើប្រតិបត្តិការលក់នូវទំនិញជាច្រើនមុខរួមមាន៖ ទំនិញគ្រឿងទេស អាហារ សំលៀកបំពាក់ គ្រឿងអេទ្បិចត្រូនិក សំភារៈផ្ទះបាយ និងទំនិញជាច្រើនមុខទៀតនៅក្នុងផ្សារទំនើបអ៉ីអនម៉ល់ទាំង២សាខា។ លើសពីនេះទៀត ក្រុមហ៊ុន AEON Cambodia Co., Ltd ក៏បានបើកដំណើរការផ្សារទំនើបខ្នាតតូច AEON MaxValu ដែលរហូតដល់ពេលនេះមានចំនួនរហូតដល់ ១៥ សាខា ហាងឯកទេសសម្ភារៈប្រើប្រាស់ក្នុងផ្ទះ Home Coordy និងទំនិញជាច្រើនមុខទៀតដែលជាយីហោផ្ដាច់មុខរបស់ AEON (TOPVALU) ដើម្បីបំពេញតម្រូវការ ក៏ដូចជាលើកកំពស់គុណភាពរស់នៅរបស់ប្រជាជនក្នុងតំបន់។ អ្វីដែលកាន់តែពិសេស និងមានភាពងាយស្រួលនោះគឺ អតិថិជនក៏អាចបញ្ជាទិញទំនិញជាង ២០ ០០០ មុខតាមរយៈ អ៉ីអន អនទ្បាញផងដែរ៖ https://aeononlineshopping.com/

ចូលរួមចំណែកការពារបរិស្ថាន ដោយប្រើថង់បរិស្ថាន និងថង់ប្លាស្ទិកងាយពុកផុយក្នុងបរិស្ថានទាំងអស់គ្នា!